Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. nóvember. 2010 08:01

Aukinn stuðningur við minni sjávarbyggðir

Jón Bjarnason sjávarútvegs- og landbúnaðarráðherra undirritaði fyrir helgi tvær reglugerðir sem fela í sér aukningu aflamarks til stuðnings minni byggðarlögum á þessu fiskveiðiári. Aukningin er innan heimildar 10. greinar laga um stjórn fiskveiða en þar er tiltekið að ráðherra geti úthlutað allt að 12.000 tonnum af óslægðum botnfiski vegna stuðnings við byggðarlög. Umræðan um þrengingar í atvinnumálum t.d. á Flateyri við Önundarfjörð eru talin helsta ástæða þess að ráðherra vill nú styðja sérstaklega smærri byggðarlög. Hámark úthlutunar til minni byggðarlaga er nú hækkuð úr 150 tonnum í 300 tonn. Tiltekið er að þessi breyting er almenn og kemur öllum þeim minni byggðarlögum til góða er falla undir hin almennu skilyrðin. Í samræmi við þetta hefur verið ákveðið að auka heildaraflamark fiskveiðiársins um 460 þorskígildistonn og rennur sú aukning alfarið til aðgerðarinnar. Með þessari hækkun er jafnframt komið í veg fyrir að raskað sé aðstæðum annarra byggðarlaga er njóta stuðnings skv. 10. gr. laga um stjórn fiskveiða. 

Í Morgunblaðinu sl. laugardag er haft eftir Hinriki Greipssyni sérfræðingi í sjávarútvegsráðuneytinu að auk Flateyrar kunni aukningin einnig að ná m.a. til Vopnafjarðar, Stöðvarfjarðar, Ólafsvíkur, Árskógssands og Grundarfjarðar að uppfylltum skilyrðum.

 

Ráðuneytið vekur athygli á að skipum er skylt að landa í heimahöfn tvöföldu því magni sem úthlutað er vegna stuðnings við byggðarlög ásamt því sem vinnsluskylda gildir í viðkomandi byggðarlagi og verður ekki veitt undanþágu frá því ákvæði vegna þeirrar aukningar sem hér er ákveðin, segir í tilkynningu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is