Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. nóvember. 2010 09:01

Ljóðasýning barna í Safnahúsinu

Miðvikudaginn 17. nóvember kl. 16:30 verður opnuð í Safnahúsi Borgarfjarðar árleg ljóðasýning nemenda fimmtu bekkja í grunnskólunum í nágrenninu. Sýningin er sett upp á vegum héraðsbókasafnsins í tilefni af Degi íslenskrar tungu þann 16.nóvember og er Hildur M. Jónsdóttir frá Brúðuheimum sérstakur gestur við opnunina.  Að venju verður vakin athygli á borgfirsku skáldi við þetta tækifæri og að þessu sinni er það Elín Eiríksdóttir frá Ökrum, en í ár eru 110 ár frá fæðingu hennar.  Sagt verður frá Elínu og sungið lag og ljóð eftir hana við undirleik tveggja ungra gítarleikara úr Borgarnesi. Ljóðasýningin verður síðan opin til 26. nóvember á opnunartíma bókasafnsins, kl. 13 – 18 virka daga. 

Þetta er í sjötta sinn sem Safnahúsið efnir til ljóðasýningar barna í tilefni af degi íslenskrar tungu sem haldin er hátíðlegur um land allt.  Markmiðið er að hvetja til þessa tjáningarforms og örva sköpunargáfu nemenda, um leið og vonast er til að verkefnið geti verið liður í ljóðakennslu.  Skólarnir sem taka þátt í sýningunni í ár eru Grunnskólinn í Borgarnesi og Grunnskóli Borgarfjarðar, (Kleppjárnsreykir og á Varmaland), en Laugargerðisskóli og Heiðarskóli sáu sér ekki fært að vera með að þessu sinni.

-fréttatilkynning

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is