Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. nóvember. 2010 08:01

Heyrnarhjálp og Mömmueldhús taka höndum saman

„Við byggjum brýr“ er verkefni sem varð til út frá opnun Mömmueldhússins á Akranesi í síðasta mánuði, en þangað mætti hópur frá Heyrnarhjálp síðasta miðvikudag. Konunum í Mömmueldhúsi og hópnum frá Heyrnarhjálp samdi afar vel saman og brátt kviknaði sú hugmynd að koma á verkefni á milli þessara hópa en þeir eiga það sameiginlegt að eiga við ákveðna samskiptaörðugleika að stríða. Það varð því úr að efnt var til tveggja hluta „námskeiðs“ sem ber, eins og áður sagði, titilinn „Við byggjum brýr.” Námskeiðið er styrkt af félagsmálaráðuneytinu og Evrópuári gegn fátækt og félagslegri einangrun. 

 

 

 

 

Ýmis hjálpartæki á staðnum

Í fyrri hluta námskeiðsins miðvikudaginn 24. nóvember síðastliðinn kom hópur frá Heyrnarhjálp á Akranes. Þar fékk hann skemmtilega kynningu á mat og menningu Póllands og Palestínu auk skemmtiatriða. Þá var boðið upp á hlaðborð með réttum frá þessum löndum. Seinni hluti námskeiðsins verður síðan 8. desember nk. en þá sækir Mömmueldhúsið Heyrnarhjálp heim og fær kynningu á íslenskum mat og menningu. „Þarna sameinast tveir hópar sem eiga það sameiginlegt að þurfa að kljást við ákveðna hindrun í samskiptum,“ segir Málfríður Gunnarsdóttir hjá Heyrnarhjálp. „Það var svo gott andrúmsloft og jákvæðni gagnvart því að tengjast öðru fólki. Þá fórum við að velta því fyrir okkur að í raun eiga heyrnarskertir og þeir sem flytja til ókunnugs lands það sameiginlegt að eiga erfitt með að tjá sig og skilja aðra. Báðir hóparnir hafa þó svo margt áhugavert fram að færa og því er sérlega gaman að leiða þá saman.” Aðgengi á námskeiðinu var miðað við þarfir hópanna en þar var að finna öll helstu hjálpartæki sem heyrnarskertir- og lausir notast við í daglegu lífi; tónmöskva, FM búnað, tvo skjávarpa og táknmálstúlk. Einnig var pólskur og arabískur túlkur á staðnum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is