Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. nóvember. 2010 01:08

Málverkasýning til stuðnings körfuknattleiksdeild Skallagríms

Næstkomandi þriðjudag kl. 17.00 verður opnuð sýning á málverkum eftir Borgnesinginn Birgi Björnsson í Safnahúsi Borgarfjarðar í Borgarnesi. Um er að ræða sölusýningu í samstarfi Safnahúss og körfuboltadeildar Skallagríms, sem á verkin og rennur allur söluhagnaður af þeim til starfsemi hennar. Myndirnar á sýningunni eru gjöf til deildarinnar frá fjölskyldu Birgis, en hann lést í árslok 2009. Sýningin mun standa til 14. desember n.k.  Birgir Björnsson fæddist í Borgarnesi árið 1941. Foreldrar hans voru hjónin Inga Ágústa Þorkelsdóttir og Björn Hjörtur Guðmundsson sem þekktastur hefur orðið fyrir að byggja Bjössaróló í Borgarnesi. Birgir bjó nær allan sinn aldur í Borgarnesi. Hann starfaði sem verkamaður og var til sjós um tíma. Hann bjó um sinn á Eskifirði og í Færeyjum, en síðan í Borgarnesi til dauðadags.

Síðustu árin þar starfaði hann hjá BM Vallá. Birgir ferðaðist gjarnan í frístundum sínum og notað þá til þess húsbíl sem hann átti. Hann stundaði myndlist um árabil og var sjálfmenntaður í þeirri listsköpun og mikill hagleiksmaður. Ekki er vitað til þess að verk Birgis hafi áður verið sýnd ein og sér á sýningu.

Eins og áður sagði verður sýningin opnuð kl. 17.00 þriðjudaginn 30. nóvember í anddyri bókasafns á efri hæð Safnahúss að Bjarnarbraut 4-6. Hún verður síðan opin á virkum dögum á afgreiðslutíma bókasafnsins frá kl. 13.00 – 18.00 en einnig laugardaginn 11. desember frá 13 – 17.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is