Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. desember. 2010 01:23

Meðalverð á fyrsta kvótamarkaði í mjólk var 280 krónur á lítra

Matvælastofnun bárust samtals 56 tilboð um sölu og kaup á greiðslumarki í mjólk en fyrsti kvótamarkaðurinn samkvæmt reglugerð landbúnaðarráðherra var í dag 1. desember. Framvegis verður hann tvisvar á ári, þ.e. 1. júní og 1. desember. Seljendur buðu greiðslumark á verðbilinu 170 til 370 krónur á lítra en kauptilboð þeirra sem óskuðu eftir greiðslumarki voru allt frá tæplega 350 kr. til 160 króna. Jafnvægisverðið er myndað þannig að öll sölutilboð eru sett á framboðslínu eftir hækkandi verði og kauptilboð á eftirspurnarlínu eftir lækkandi verði. Þar sem línur eftirspurnar og framboðs mætast, liggur jafnvægisverðið en það var í þessu tilviki 280 krónur. Það er nokkru hærra en meðalverð viðskipta í maímánuði síðastliðnum þegar reglugerð um markaðinn gekk í gildi en til muna lægra en þau verð sem algeng voru síðustu misserin á undan þegar verð greiðslumarks fór í allt að 400 krónum á lítra. Alls eru það 138.555 lítrar sem viðskipti ná til að þessu sinni en samtals voru boðnir til sölu á markaðinum 927.871 lítrar.

Það er Matvælastofnun sem sér um tilboðsmarkaðinn en með honum er ætlunin að koma til móts við þarfir greinarinnar fyrir nauðsynlega tilfærslu innan hennar, auka gagnsæi viðskipta og koma um leið í veg fyrir verðlagningu greiðslumarks sem vinnur gegn hag neytenda og greinarinnar sjálfrar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is