Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. desember. 2010 10:36

Nýr Tryggvi Eðvarðs SH kominn til heimahafnar og farinn í fyrsta róður

Nýr bátur af gerðinni Cleopatra 38 bættist í flota Snæfellsbæinga í vikunni sem leið. Útgerðarfélagið Nesver ehf í Rifi, í eigu Ásbjarnar Óttarssonar og fjölskyldu, fékk bátinn afhentan í fyrradag, en hann er 15 bróttótonn og smíðaður hjá Trefjum í Hafnarfirði. Að sögn Friðbjarnar Ásbjörnssonar framkvæmdastjóra Nesvers verður báturinn gerður út á krókaaflamark og rær með allt að 48 bala á línu. Báturinn hefur fengið nafnið Tryggvi Eðvarðs SH 2 og mun leysa af hólmi eldri Gáskabát með sama nafni sem nú hefur verið seldur til Hafnarfjarðar sem og Særún SH-86. Friðbjörn segir að helsti munurinn á þessum báti og síðasta Tryggva sé bættur aðbúnaður um borð og meira rými sem meðal annars helgast af því að síðurnar eru jafnar aftur. Þá er aðstaða til viðhalds betri.

Aðalvél nýja Tryggva er af gerðinni Cummins QSM11, 610 hestöfl tengd ZF gír. Báturinn er útbúinn siglingatækjum af gerðinni Furuno og er einnig útbúinn með vökvadrifnum hliðarskrúfum að framan og aftan sem tengdar eru sjálfstýringu. Línuspil og færaspil er frá Beiti en öryggisbúnaður kemur frá Viking. Rými er fyrir tólf 660 lítra kör í lest. Í bátnum er innangeng og upphituð stakkageymsla. Borðsalur er í brúnni auk stóla fyrir skipstjóra og háseta.  Svefnpláss er fyrir fjóra í lúkar auk eldunaraðstöðu með eldavél, örbylgjuofni og ísskápi.

 

 

Arnar Laxdal skipstjóri var kampakátur ásamt áhöfn sinni þegar ljósmyndari Skessuhorns leit við um borð í nýja bátnum í gær. Voru strákarnir í óða önn að gera bátinn sjókláran fyrir fyrstu veiðferðina sem þeir fóru í strax síðustu nótt. Undanfarið hefur báturinn mest verið á veiðum úti af Arnarstapa. Að sögn Friðbjarnar mætti veiðin vera meiri en undanfarna róðra, en áhöfnin á gamla Tryggva var að fá þetta um 100 kíló á bala í veiðiferð. Verður gaman að fylgjast með hvort Arnar Laxdal og félagar hans bæti Íslandmetið sem þeir settu í fyrravetur í aflaverðmæti á einum mánuði.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is