Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. desember. 2010 03:05

Nákvæmni, nytsemi og nýsköpun

Ný stefnumótun fyrir Landmælingar Íslands 2011-2015

 

Í nýrri framtíðarsýn fyrir Landmælingar Íslands segir að „Landmælingar Íslands hafi forystuhlutverk og stuðli að samvinnu við að tryggja tilvist og aðgengi að traustum landupplýsingum um Ísland og stuðli að notkun þeirra á fjölbreyttan og hagkvæman hátt, ekki síst í þágu umhverfismála.“ Einnig segir að „Landmælingar Íslands séu framsækin þekkingarstofnun í stöðugri þróun þar sem nákvæmni, notagildi og nýsköpun eru grundvöllur starfseminnar“.

 

 

 

 

Fyrir Alþingi liggur nú frumvarp til laga um grunngerð landupplýsinga sem miðar að því að auka notkun og miðlun landupplýsinga hjá opinberum stofnunum og sveitarfélögum. Samkvæmt frumvarpinu er Landmælingum Íslands ætlað að hafa forystu við að byggja upp grunngerð landupplýsinga á Íslandi og mun væntanlega hafa jákvæð áhrif á starfsemina á næstu árum. Auk framangreindra breytinga eru gögn Landmælinga Íslands talin mikilvæg til að styðja stefnumótun stjórnvalda á ýmsum sviðum s.s. á sviði framkvæmda, skipulagsmála, umhverfismála og vöktunar á náttúruvá.

Að sögn Magnúsar Guðmundssonar forstjóra Landmælinga Íslands hefur mikil breyting orðið á starfsumhverfi Landmælinga undanfarin ár vegna aukinnar notkunar almennings á kortum og öðrum landupplýsingum, auk örrar tækniþróunar á þessu sviði.

 

Nú í byrjun desember lauk verkefni sem staðið hefur yfir í þrjá mánuði hjá Landmælingum við að móta nýja stefnu fyrir tímabilið 2011-2015. Allir starfsmenn tóku þátt í vinnunni sem var leidd af fjögurra manna stýrihópi starfsmanna í samstarfi við Eyþór Ívar Jónsson sérfræðing í stefnumótun. Að sögn Magnúsar leiddi aðkoma allra starfsmanna stofnunarinnar við stefnumótunina til gagnlegra skoðanaskipta um tækifæri og ógnanir í starfseminni, auk þess sem í ljós kom mikilvægi nýsköpunar og meiri áhersla en áður á samstarf við aðrar stofnanir og fyrirtæki.

 

Sem kunnugt er eru Landmælingar Íslands með aðsetur á Akranesi og þar starfa nú 29 manns. Stefnumótunina í heild sinni má lesa á vef Landmælinga Íslands www.lmi.is.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is