Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. desember. 2010 10:46

Óbreytt umferð umferð um Hvalfjarðargöng þrátt fyrir samdrátt annarsstaðar

Á aðalfundi Spalar í gær kom fram að á næsta ári verði áfram unnið að öryggismálum í Hvalfjarðargöngum, til viðbótar því sívöktunarkerfi sem nýbúið er að koma upp og tengja. Á næsta ári er á dagskrá að ljúka nokkrum verkþáttum í tveimur áföngum fyrir um 110 milljónir króna. Dýrustu póstarnir þar verða brunaþolnir rafstrengir að blásurum í loftinu og brunaþolnir strengir fyrir fjarskiptakerfi ganganna, sem kosta alls á fimmta tug milljóna króna. Það bar til tíðinda á fundinum að fyrsta konan var kosin í stjórn Spalar. Það er Laufey Jóhannsdóttir sveitarstjóri Hvalfjarðarsveitar. Aðrir stjórnarmenn voru endurkjörnir, en þeir eru: Gísli Gíslason hafnarstjóri Faxaflóahafna, sem jafnframt er stjórnarformaður, Einar Þorsteinsson forstjóri Íslenska járnblendifélagsins, Gunnar Gunnarsson aðstoðarvegamálastjóri og Hafsteinn S. Hafsteinsson lögfræðingur í fjármálaráðuneytinu.

 

 

 

Ráðamenn Spalar gera ráð fyrir að umferð í Hvalfjarðargöngum 2011 verði svipuð og á árinu sem senn er á enda, en benda samt á að aukin skattheimta ríkisins af eldsneyti og fleiru kunni að hafa neikvæð áhrif á ferðavenjur landsmanna. Athygli vekur að umferð á nokkrum umferðaræðum á höfuðborgarsvæðinu og hringveginum hefur dregist mun meira saman en reyndin er í göngunum.

 

Gísli Gíslason stjórnarformaður Spalar vakti athygli á því í skýrslu stjórnar á aðalfundinum, að á sama tíma og Vegagerðin kynnir tölur um mikinn samdrátt í umferð á völdum köflum á hringveginum og á höfuðborgarsvæðinu halda göngin sínum hlut. Og það gerist þrátt fyrir að göngin séu eini hluti þjóðvegakerfisins sem ökumenn þurfa að borga fyrir að aka um. „Haldist sú staða undirstrikar sú staðreynd mikilvægi Hvalfjarðarganga og gefur fyrirheit um að þegar hagur þjóðarinnar batnar muni umferð um Vesturlandsveg aukast fyrr en annarsstaðar,“ segir Gísli.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is