Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. desember. 2010 01:26

Jöfnunarsjóður áætlar útgjöld næsta árs

Samgöngu- og sveitarstjórnar-ráðherra hefur samþykkt tillögur ráðgjafarnefndar Jöfnunarsjóðs sveitarfélaga um áætlaðar úthlutanir framlaga á árinu 2011. Ráðgjafarnefndin leggur til að úthlutað verði 4,2 milljörðum króna á næsta ári. Framlögin verða greidd til sveitarfélaga mánaðarlega, en 10 prósentum er þó haldið eftir af áætluðum framlögum til að mæta því ef ráðstöfunarfé sjóðsins verður minna eða útgjöld meiri en áætlað var. Uppgjör framlaganna fer fram í desember.

Breyting hefur verið gerð á úthlutun framlaga vegna skólaaksturs úr dreifbýli. Framlögin eru nú sjálfstæð eining innan útgjaldajöfnunarframlaga sjóðsins. Um tvenns konar úthlutun framlaga er að ræða.

Annars vegar koma til úthlutunar nú áætluð framlög að fjárhæð 575 m. kr. sem byggjast á upplýsingum frá sveitarfélögum um akstursleiðir úr dreifbýli sveitarfélags, fjölda grunnskólabarna á hverri leið sem eiga heimili lengra en 3 km frá skóla miðað við 1. október síðastliðinn og upplýsingum frá menntamálaráðuneytinu um fjölda skóladaga á yfirstandandi skólaári. Hafi að mati sveitarstjórnar verið um íþyngjandi kostnað að ræða á árinu vegna skólaaksturs úr dreifbýli umfram þau framlög sem hér að framan greinir geta sveitarfélög sótt um viðbótarframlag í árslok á grundvelli ítarlegrar greinargerðar. Ráðstöfunarfjármagn Jöfnunarsjóðs til úthlutunar framlaga á grundvelli umsókna nemur allt að 175 m. kr. á árinu.

Átta af tíu sveitarfélögum á Vesturlandi fá úthlutað úr Jöfnunarsjóði. Borgarbyggð fær mest, eða 194 milljónir og eru 47 milljónir vegna aksturs skólabarna.

 

 

Akraneskaupstaður                               126.418.113 kr.

Skorradalshreppur                                0

Hvalfjarðarsveit                                    0

Borgarbyggð                                        194.442.702 kr.

Grundarfjarðarbær                                36.365.187 kr.

Helgafellssveit                                       6.382.088 kr.

Stykkishólmsbær                                  41.086.809 kr.

Eyja- og Miklaholtshreppur                    9.495.412 kr.

Snæfellsbær                                          96.279.101 kr.

Dalabyggð                                            63.579.824 kr.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is