Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. desember. 2010 08:01

Norræn brúðuleiklistarhátíð í Borgarnesi

Ákveðið hefur verið að halda stóra norræna brúðuleiklistarhátíð í Borgarnesi um mánaðamótin mars – apríl á næsta ári. Það eru Brúðuheimar sem standa að hátíðinni og fékk setrið veglegan styrk frá Norden, Norræna menningarsjóðnum, í síðustu viku vegna verkefnisins. Styrkurinn nemur 100 þúsund dönskum krónum en auk þess liggur fyrir vilyrði um styrk frá mennta- og menningarmálaráðuneytinu til verkefnisins þar sem skilyrt var að norræni styrkur fengist áður.

“Þetta verður norræn hátíð brúðuleiklistarfólks sem standa mun yfir í fjóra daga og von er á miklum fjölda gesta á hátíðina. Við gerum ráð fyrir að gestir verði margir og smám saman nái hún þeirri fótfestu að fjölmenni sæki hana og þannig t.d. muni ferðaþjónusta og aðrir á svæðinu njóta góðs af. Hún verði þannig mikil lyftistöng fyrir ferðaþjónustu og auki fjölbreytni á okkar svæði. Við leynum því ekki að þarna gæti orðið til menningarhátíð sem líkja má við ýmsar hátíðir sem við þekkjum, eins og til dæmis kvikmyndahátíðina í Grundarfirði, stuttmyndahátíðina á Patreksfirði eða leiklistarhátíðina á Ísafirði svo dæmi séu tekin. Vonandi verður þessi hátíð fastur liður hér í Borgarnesi og getur skapað bæjarfélaginu nafn líkt og þessar fagtengdu hátíðir hafa gert víða um landið,” segir Hildur M Jónsdóttir framkvæmdastjóri Brúðuheima í samtali við Skessuhorn.

 

Hildur segir að nú þegar sé vitað um þátttöku brúðuleikhópa frá þremur Norðurlandaþjóðum og meðal gesta séu þekkt nöfn úr brúðuleiklistinni. “Skærasta stjarnan og heiðursgestur þessarar hátíðar verður Svíinn Michael Meshke, en hann kom að stofnun samtaka brúðuleikhópa hér á Íslandi á sinni tíð auk þess að hafa sýnt verk sín víða um heiminn. Hann er því þekkt nafn og gaman að fá hann hingað. Þá vitum við nú þegar um þrjá hópa erlendis frá auk íslensku brúðuleikhópanna sem hér starfa.”

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is