Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. desember. 2010 11:14

Jóhann sigraði á afmælisskákmóti á Hótel Glymi

Jóhann Hjartarson stórmeistari sigraði á sérlega skemmtilegu og vel skipuðu afmælismóti Jóns L. Árnasonar sem teflt var á Hótel Glymi í Hvalfirði sunnudaginn 12. desember sl. Jóhann, sem er stigahæsti skákmaður Íslands, hlaut 8 vinninga af 9 mögulegum og tapaði ekki skák. Heiðursgesturinn Jón L. Árnason, sem varð fimmtugur á dögunum, lenti í öðru sæti með 7,5 vinning en jafnir í 3.-5. sæti urðu Helgi Ólafsson, Bragi Þorfinnsson og Hjörvar Steinn Grétarsson með 6,5 vinning. Skákmótið í Hvalfirði þótti heppnast sérlega vel og í mótslok tilkynnti Ragna Ívarsdóttir, fyrir hönd staðarhaldara á Hótel Glymi, að leikurinn yrði örugglega endurtekinn að ári.

Í 6.-9. sæti með 6 vinninga voru Gylfi Þórhallsson, Stefán Bergsson, Örn Leó Jóhannsson og Sigurður Daði Sigfússon.  Í 10.-13. með 5,5 vinninga voru Björn Þorfinnsson, Halldór Grétar Einarsson, Guðmundur Gíslason og Árni Þorvaldsson. Í 14.-20. sæti með 5 vinninga urðu Tómas Björnsson, Sævar Bjarnason, Páll Sigurðsson, Hjörtur Jóhannsson, Emil Sigurðarson, Birkir Karl Sigurðsson og Páll Andrason. Í 21.-27. sæti með 4,5 vinning urðu Gísli S. Gunnlaugsson, Jorge Fonseca, Ingi Tandri Traustason, Bjarni Sæmundsson, Stefán Pétursson, Gunnar Nikulásson og Birgir Rafn Þráinsson.

 

Aðrir keppendur voru Birgir Rafn Þráinsson, Ingi Agnarsson, Einar Valdimarsson, Friðgeir Hólm, Csaba Daday, Vignir Vatnar Stefánsson, Ólafur Ásgrímsson, Inga Birgisdóttir, Kristján Örn Elíasson, Einar S. Einarsson, Heimir Páll Ragnarsson, Jon Olav Fivelstad, Ásgeir Sigurðsson, Jón Birgir Einarsson, Sóley Lind Pálsdóttir, Haukur Halldórsson, Hjalti Reynisson, Arnar Valgeirsson, Elías Lúðvíksson og Örnólfur Hrafn Hrafnsson.

Glæsileg verðlaun voru veitt á afmælismótinu. Efstu menn hlutu peningaverðlaun, en að auki hlaut sigurvegarinn tvær nætur fyrir tvo í einu af lúxushúsum Hótel Glyms, auk málsverðar á hinu rómaða veitingahúsi staðarins. Aðrir sem lögðu til verðlaun og vinninga voru Ólöf Davíðsdóttir glerlistarkona, Dýrfinna Torfadóttir skartgripahönnuður, Hótel Hamar, Sæferðir í Stykkishólmi, Fossatún í Borgarfirði, Landnámssetrið í Borgarnesi, Elkem Ísland, Forlagið, Bjartur-Veröld, Sögur útgáfa, Opna útgáfa, Penninn-Eymundsson og Sena.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is