Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. desember. 2010 01:49

Óbreytt útsvar í Hvalfjarðarsveit

Fjárhagsáætlun Hvalfjarðarsveitar árið 2011 var samþykkt samhljóða á sveitarstjórnarfundi í gær. Fjárhagsáætlunin gerir ráð fyrir óbreyttu útsvarshlutfalli, eða 13,03%, fyrir árið 2011 og þá er einnig gert er ráð fyrir óbreyttu álagningarhlutfalli fasteignaskatta. Sveitarsjóður stendur mjög vel þrátt fyrir byggingarframkvæmdir við nýjan Heiðarskóla, sem er langstærsta framkvæmd sveitarfélagsins á komandi ári, en áætlað er að verja um 340 milljónum kr. í bygginguna og búnaðarkaup á árinu 2011. Samkvæmt áætluninni er ekki gert ráð fyrir sölu eldra grunnskólahúsnæðis enda fer kennsla fram í skólanum fram í júní og vinna í skólanum fram í júlí. Að sögn Laufeyjar Jóhannsdóttur sveitarstjóra þarf hins vegar að fara að huga að framtíðarnotum húsnæðisins.

 

 

 

 

Eignir hækka um 110 milljónir

Alls er gert ráð fyrir að 23,3 milljónir króna verði nýttar í viðhald og framkvæmdir við fasteignir sveitarfélagsins og þá verður áfram unnið að vatnsöflun og uppbyggingu Vatnsveitu Hvalfjarðar fyrir 5,5 milljónir á næsta ári. Í þriggja ára áætlun er gert ráð fyrir 10 milljónum vegna gatnaframkvæmda við Melahverfi II en jafnframt komi tekjur á móti framkvæmdinni. Í áætluninni fyrir árið 2011 er þessi liður hækkaður í 15 milljónir en ekki verður ráðist í framkvæmdir nema að tekjur komi á móti.

Fjárhagsáætlunin gerir ráð fyrir að í árslok verði eignir sveitarfélagsins samtals 2.039,7 milljónir kr. og hækki um 110 milljónir kr. frá fyrra ári. Heildarskuldir sveitarfélagsins í árslok verða 77,8 milljónir kr. en eigið fé Hvalfjarðarsveitar er samtals 1.961,9 milljónir kr. Áætlunin gerir aðeins ráð fyrir um 35 milljóna kr. lántöku.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is