Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. desember. 2010 09:01

Tók á móti barni hjá barnabarni sínu og nöfnu

Jónína Ingólfsdóttir ljósmóðir á Akranesi hætti störfum árið 2001, fyrr en hún óskaði en heilsubrestur réði því. Þá hafði hún starfað sem ljósmóðir síðan 1962 og síðustu árin sem yfirljósmóðir fæðingadeildar Sjúkrahússins á Akranesi. Þetta var sama árið og ný og endurbætt fæðinga- og kvensjúkdómadeild var tekin í notkun á sjúkrahúsinu. Jónína fékk þó að endurnýja kynni sín af vinnustaðnum 17. nóvember síðastliðinn þegar hún tók á móti frumburði Jónínu Ingólfsdóttur yngri, eða langömmu barni sínu. “Þetta var mjög ánægjuleg stund og gaman að fá að mæta niður á fæðingadeild. Þetta er yndislegur vinnustaður sem borið hefur hróður þessa sjúkrahúss víða eins og sést á tölum um fæðingar á þessu ári.. Raunar finnst mér fæðingadeildin á Sjúkrahúsinu á Akranesi vera eitt helsta og besta einkenni þessarar stofnunar sem tryggja verður að áfram verði hlúð að,” segir Jónína.

Hún segir að þessi stund með sonardóttur sinni og alnöfnu hafi verið persónuleg og notaleg. “Ég tók sjálf á móti Jónínu yngri 7. nóvember árið 1985 og nú réttum 25 árum síðar hennar fyrsta barni. Það eru náttúrlega forréttindi ömmunnar að fá að koma að þessum einstaka atburði í lífi nýrra foreldra,” segir Jónína sem jafnfram fagnar því að þeirri stuttu heilsast vel.

Jónína yngri og unnusti hennar Jósef Birgir Þórhallsson búa í Reykjavík og eru í námi. Jónína er í læknisfræði en Jósef lýkur iðnaðarverkfræði eftir tvo mánuði. Jónína útskrifast úr læknisfræðinni í vor og hafði fengið að kynnast starfsemi sjúkrahússins á Akranesi af eigin raun fyrr á þessu ári þegar hún var í starfsnámi á svæfingadeildinni.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is