Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. desember. 2010 03:39

Söguverkefnið um Snorra kynnt Norðmönnum

„Það vantaði ekkert upp á að séra Geir kæmi sögunni um Snorra vel á framfæri við Norðmenn. Ekki var laust við að eyru þeirra blöktu undir lestrinum, þeim fannst það sem Geir hafði fram að færa svo athyglisvert,“ segir Björg Árnadóttir verkefnisstjóri fyrir sögu- og margmiðlunarverkefninu „Icelandic Sagas on line“ sem kynnt var Norðmönnum á fyrirlestri í Fornleifasafninu í Stafangri á dögunum. Verkefnið byggir á að íslenskar fornbókmenntir verði aðgengilegar á Netinu fyrir útlendinga og hafa Norðmenn sýnt Heimskringlu og Snorra Sturlusyni sérstakan áhuga. Fyrstu námskeiðin í verkefninu verða um Snorra og er áætlað að þau verði aðgengileg á Netinu um miðjan janúar, þá verði farið að stað með prufu- og kynningarverkefni.

Í vor er síðan stefnt að því að byrja að selja námskeiðin og standa vonir til að smám saman verði hægt að vekja áhuga á efninu víða um lönd.

 

Um samstarfsverkefni er að ræða þar sem að koma Símenntunarmiðstöð Vesturlands, Snorrastofa í Reykholti, Landnámssetur og Nepal hugbúnaður í Borgarnesi. Verkefnið hefur verið í undirbúningi í nokkurn tíma og reyndar eru rúm tíu ár síðan hugmyndin kviknaði. Þá var Björg Árnadóttir einmitt forstöðumaður Símenntunarmiðstöðvar Vesturlands og síðasta vor var hún ráðin verkefnisstjóri yfir söguverkefninu. Björg er nýkominn frá Noregi, en þangað var farið til að kynna verkefnið og um leið taka upp efni. Geir Waage var í hlutverki sagnaþular í þetta sinn og að sögn Bjargar tókst vel til. Þriðji maðurinn í sendinefndinni var Gísli Einarsson frétta- og kvikmyndatökumaður. Myndaði hann það sem fram fór og verður myndefnið nýtt í fyrirlestrunum.

 

Nánar um verkefnið í Skessuhorni vikunnar.

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is