Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. desember. 2010 06:48

Verknám einungis kennt á höfuðborgarsvæðinu

Skólanefnd Fjölbrautaskóla Vesturlands hefur sent frá sér tilkynningu þar sem hún mótmælir harðlega fyrirhuguðum niðurskurði til skólans sem boðaður er í fjárlagafrumvarpi ríkisstjórnarinnar fyrir árið 2011. Hefur nefndin áhyggjur af því að með þessum niðurskurði verði verknám einungis kennt á höfuðborgarsvæðinu með tilheyrandi kostnaði fyrir nemendur og foreldra þeirra sem búa utan þess svæðis. Þá segir nefndin það vera staðreynd að dýrara sé að mennta hvern verknámsnema en bóknámsnema og því hafi slíkur niðurskurður augljóslega í för með sér vangaveltur um framtíð verknámsmenntunar á landsbyggðinni. “Skólanefndin hefur verulegar áhyggjur af því að verkmenntun á Vesturlandi bíði varanlegan skaða af fyrirhuguðum niðurskurði,” segir í tilkynningu frá skólanefndinni. 

 

 

 

 

40 milljóna niðurskurður

Í nýju fjárlagafrumvarpi ríkisstjórnarinnar kemur fram að FVA þurfi að skera niður um allt að 40 milljónir króna. “Slíkur sparnaður hjá stofnun sem aldrei reið feitum hesti frá góðærinu, og þegar hefur skorið niður eins og mögulegt er á undanförnum árum, getur ekki haft annað í för með sér en minni vinnu fyrir starfsmenn skólans, minna framboð af kennslu og þar af leiðandi skerta þjónustu við nemendur,” segir í tilkynningu skólanefndarinnar. Skólinn hafi þegar nánast hætt búnaðarkaupum, fjar- og dreifnám verið lagt niður og valgreinum fækkað. Nefndin ítrekar ályktun sem send var til allra framboða í aðdraganda sveitastjórnakosninga í vor. Í henni skoraði nefndin á sveitastjórnarmenn að láta málefni skólans sig varða og leita allra leiða til að verja framhaldsmenntun á Vesturlandi. Þá tekur skólanefndin undir ályktun kennarafélags FVA þar sem segir að þeir fjármunir sem varið er til menntunar rýrna aldrei – heldur skila sér margfalt til baka til samfélagsins.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is