Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. desember. 2010 08:01

Lán ekki afskrifuð hjá Byggðastofnun

Alþingi hefur samþykkt samkomulag um úrvinnslu skuldamála lítilla og meðalstórra fyrirtækja. Sigurgeir Sindri Sigurgeirsson varaþingmaður Framsóknarflokks vakti hins vegar athygli á því þann 17. desember síðastliðinn að ekki geti allar fjármálastofnanir tekið þátt í þessari lausn. Byggðastofnun megi ekki samkvæmt lögum afskrifa lán. Sigurgeir Sindri segir ljóst að ef þessu verður ekki breytt geta fyrirtæki á landsbyggðinni, smærri rekstraraðilar og jafnvel bændur ekki fengið úrlausn sinna mála. 

 

 

 

 

Núverandi fyrirkomulag geti leitt til þess að Byggðastofnum muni standa í vegi fyrir fjárhagslegri endurskipulagningu fyrirtækja á grundvelli þess að stofnuninni er óheimilt til að vinna með öðrum kröfuhöfum og afskrifa fjármuni sem klárlega eru tapaðir. Segist Sigurgeir Sindri vita af fyrirtækjum sem eru að vinna í niðurfellingu og afskriftum lána sinna í samráði við bankana en þetta mál sé hindrun.

 

Árni Páll Árnason efnahags- og viðskiptaráðherra tók undir með Sigurgeir Sindra. Benti hann á að löggjafinn samþykkti í október í fyrra lög um aðgerðir í þágu einstaklinga, heimila og fyrirtækja í kjölfar banka- og gjaldeyrishrunsins. Í þeirri löggjöf er kröfuhöfum beinlínis heimilað að lækka skuldir til samræmis við endurmat þeirra. Sagði hann meðal annars að ef það væru einhver ákvæði í sérlögum um Byggðastofnun sem hindrar þátttöku hennar í skuldaúrvinnslu lítilla og meðalstórra fyrirtækja verði að taka á því. “Í þessu verða allir að taka þátt. Það er mjög mikilvægt að lítil og meðalstór fyrirtæki leiti núna til viðskiptabanka sinna, leggi fram öll gögn og kalli eftir tillögum. Við eigum óskaplega mikið undir því að fyrirtækin geti bætt við sig verkefnum, aukið umsvif sín og bætt við sig fólki. Það verður að gerast hjá öllum fyrirtækjum, líka þeim sem eru með skuldir hjá Byggðastofnun,” sagði Árni Páll um þessi mál.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is