Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. desember. 2010 12:29

Breytingar á sérleyfisakstri frá áramótum

Fyrirtækið Bílar og fólk ehf./Sterna og Vegagerðin hafa gert með sér samkomulag um framlengingu sérleyfisaksturs vegna ársins 2011 en breytingar verða gerðar á nokkrum leiðum, einni sérleið hætt og tekið upp pantanakerfi í aðra. Meðal þess sem fram kemur í nýjum samningum og snertir íbúa á Vesturlandi, er að sérleyfisakstur milli Akureyrar og Reykjavíkur helst óbreyttur. Sömuleiðis verður óbreyttur samningurinn um akstur frá Reykjavík á Snæfellsnes og í Borgarnes.  Hætt verður sérleyfisakstri á leiðinni “Reykjavík – Staður – Hólmavík” og verður síðasta ferðin á þeirri leið ekin 30. desember.  Á leiðinni “Reykjavík – Borgarnes - Búðardalur – Króksfjarðarnes – Hólmavík” verða breytingar. Ferðum verður fækkað í Dalina, frá Reykjavík til Búðardals, og ekki verður lengur ekið í Bjarkarlund og til Reykhóla. Í staðinn verður farið þrisvar í viku um Arnkötludalinn til Hólmavíkur. Þessi leið verður ekin þrisvar í viku hverri og er farið frá Reykjavík á þriðjudögum og föstudögum kl. 08:30 og sunnudögum kl. 13:00. Frá Hólmavík er farið kl. 13:00 á þriðjudögum og föstudögum og kl. 17:00 á sunnudögum.

Nýtt fyrirkomulag verður á leiðinni “Borgarnes – Reykholt í Borgarfirði” en þar verður tekin upp ný þjónusta með þeim hætti að farþegar sem ætla sér að nýta rútuna á þessari leið verða að panta far með ákveðnum fyrirvara. Farið er á föstudögum og sunnudögum frá Reykjavík í Reykholt en ef enginn hringir og pantar far þá verður ekki farið í þá áætlunarferð. Ferðirnar verða samt alltaf auglýstar áætlunarferðir þannig að sá sem hringir er bundinn þeirri tímasetningu sem auglýst er.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is