Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. janúar. 2011 01:24

Segja íbúa búa við vaxandi óöryggi

Lögreglufélag Akraness hefur sent frá sér ályktun þar sem félagið mótmælir harðlega niðurskurði til embættis Sýslumannsins á Akranesi. Félagið segir niðurskurðinn verða til þess að lögreglunni á Akranesi er gert ókleift að sinna lögbundnu hlutverki sínu. “Í stað átta lögreglumanna sem hafa sinnt almennri löggæslu og brugðist við neyðarútköllum á svæðinu allan sólarhringinn eiga nú sex lögreglumenn að sinna sama hlutverki. Viðbragðstími mun aukast og svæðið verður eftirlitslaust að nóttu sem er einmitt sá tími sem afbrotamenn velja sér til iðju sinnar,” segir meðal annars í ályktun félagsins. Það sé þess vegna krafa lögreglumanna að fjárveitingar til löggæslunnar verði endurskoðaðar á þann veg að lögreglunni á Akranesi verði gert kleift að sinna lögbundnu hlutverki sínu við að tryggja öryggi borgaranna. Það sé ekki hægt við núverandi ástand.

 

 

 

 

Sólarhringsvaktir aflagðar

Í ályktuninni segir ennfremur að ríkisstjórn Íslands hafi með auknum sparnaðarkröfum sínum á lögregluna tekið þá ákvörðun að íbúar Akraness og nágrennis skuli búa við aukið óöryggi og afbrotamenn skuli fá frjálsari hendur við störf sín. “Ein af grunnþörfum hvers samfélags er öryggi, en samfélag sem ekki er öruggt getur ekki þrifist svo vel sé. Með þessum ráðstöfunum hefur Ríkisstjórn Íslands brugðist þegnum þessa lands, skapað óöryggi sem getur haft alvarlegar afleiðingar fyrir samfélagið.”

Lögreglufélag Akraness rifjar einnig upp í ályktuninni hversu mikinn niðurskurð embættið hefur þurft að þola frá árinu 2007. Telur félagið að þessar sparnaðarkröfur, sem fela meðal annars í sér fækkun lögreglumanna, muni leiða til þess að sólarhringsvaktir verði aflagðar, ekki síðar en 1. mars næstkomandi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is