Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. janúar. 2011 11:01

Framhaldsskólanemum fækkaði milli ára

Haustið 2010 voru skráðir nemendur á framhalds- og háskólastigi hér á landi 47.240. Í framhaldsskóla voru skráðir 27.351 nemendur og 19.889 nemendur í háskóla. Skráðum nemendum fækkaði um 3,1% frá fyrra ári en það er í fyrsta skipti frá því Hagstofan fór að halda um þessar upplýsingar árið 1997 að nemendum fækkar. Fækkun nemenda milli ára var öll á framhaldsskólastigi en þar fækkaði skráðum nemendum um 7,9%. Nokkur fjölgun var hins vegar á háskólastigi eða um 4,3%. Fækkun nemenda skýrist fyrst og fremst af samdrætti í fjarnámi og öldungadeildum á framhaldsskólastigi. Þá fækkaði nemendum grunnskóla sem sóttu nám í framhaldsskólum umtalsvert.

Konur voru umtalsvert fleiri en karlar meðal skráðra nemenda eða 5.396 fleiri. Alls stunduðu 26.318 konur nám í framhaldsskólum og háskólum á móti 20.922 körlum. Konur voru 55,7% nemenda á öllum skólastigum ofan grunnskóla.

 

 

 

Í bóklegt nám á framhaldsskólastigi voru skráðir 17.938 nemendur en í starfsnám voru skráðir 9.044 nemendur. Því voru 66,5% nemenda á framhaldsskólastigi skráðir í einhvers konar bóknám en 33,5% nemenda skráðir í einhvers konar starfsnám.  Á háskólastigi voru 97,9% nemenda skráðir í fræðilegt háskólanám en 2,1% í starfsmiðað háskólanám. Doktorsnemum fjölgaði um 168 frá fyrra ári og eru nú 482 í námi á 47 fræðasviðum.

 

Flestir í viðskiptafræði og lögfræði

Ef einstakar námsbrautir á háskólastigi eru skoðaðar eru flestir nemendur skráðir á svið viðskiptafræða. Þar voru skráðir 2.452, þar af 54,4% konur. Næst fjölmennasta námssviðið á háskólastigi er lögfræði en þar voru skráðir til náms 1.387, þar af 53,2% konur. Fjöldi nemenda í viðskipta- og lögfræði er svipaður og fyrir ári síðan.

Yfirlitstölur um heildarfjölda skráðra nemenda í framhalds- og háskólum frá árinu 2004 til 2010 má finna í Hagtíðindum. Einnig sundurliðaðar tölur eftir skólastigi, kennsluformi og tegundum skóla fyrir sama tímabil. Loks má finna upplýsingar um fjölda nemenda eftir námsstöðu þeirra. Hagtíðindi má nálgast á vef Hagstofu Íslands.

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is