Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. janúar. 2011 11:37

Ilmur peningalyktar um allt Akranes

Sú lykt sem einu sinni var kennd við peninga fannst aftur á Skaganum um og fyrir helgina þegar tveir skipsfarmar af gulldeplu bárust til fiskimjölsverksmiðju HB Granda, um 1100 tonn. Guðmundur Hannesson verksmiðjustjóri segir að rólegt hafi verið í bræðslunni síðustu vikurnar, en vonast sé eftir meira hráefni á næstunni. Það muni þó að einhverju leyti ráðast af því hvort að bætt verði við loðnukvótann. Ef það verði ekki gert, yrði haldið áfram á gulldeplunni og geymt það sem eftir er af loðnukvótanum þar til hún verður ákjósanleg til frystingar.

 

 

 

 

Það voru Akranesskipin Bjarni Ólafsson og Ingunn sem komu af veiðum í Grindavíkurdjúpi og lönduðu um svipað leyti sl. miðvikudag, Bjarni með 563 tonn og Ingunn með 536 tonn. Guðmundur verksmiðjustjóri segir að nokkurn tíma hafi tekið að keyra verksmiðjuna upp en síðan um tvo sólarhringa að vinna hráefnið, þannig að bræðslan hafi náð fram að hádegi á laugardag. Þetta var fyrsta hráefnið sem berst til fiskimjölsverksmiðjunnar á Akranesi frá því fyrir jól, en þá kom Hákon EA með um 500 tonn af síldarafskurði og Faxi með á annað hundrað tonn af gulldeplu. Fastir starfsmenn í bræðslunni eru einungis fjórir. „Þegar við fáum hráefni til vinnslu koma til viðbótar fjórir starfsmenn mjölvinnslu sem lögð hefur verið niður í Reykjavík, auk þess sem við grípum til lausamanna hérna. Alls þurfum við 10-12 manns meðan við erum að bræða, á tvískiptum vöktum,“ segir Guðmundur verksmiðjustjóri.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is