Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. janúar. 2011 07:01

Fyrsti heili loðnufarmurinn í þrjú ár

Síðastliðinn föstudag landaði Ingunn AK í heimahöfn fullfermi af loðnu sem fór til bræðslu í fiskimjölsverksmiðjunni á Akranesi. Af því tilefni sagði Guðmundur Hannesson verksmiðjustjóri á vef HB Granda að þrátt fyrir að verksmiðjan hafi á síðustu árum brætt úr loðnuhrati, sem fellur til eftir að hrogn eru tekin, þá sé þetta í fyrsta skipti í tæplega þrjú ár sem heill loðnufarmur berist verksmiðjunni til bræðslu. Að undanförnu hefur verksmiðjan á Akranesi unnið úr takmörkuðum gulldepluafla sem þangað hefur borist. Bjarni Ólafsson AK og Ingunn lönduðu í síðustu viku samtals um 1.100 tonnum af gulldeplu. Hoffell SU kom með 370 tonn á miðvikudagsmorgun og Faxi RE næsa dag með um 160 tonn. Lokið var við bræðslu á þessum afla á föstudag áður en loðnunni úr Ingunni var dælt í land.

 

 

 

Guðmundur segir gulldepluna sem landað hafi verið að undanförnu vera mjög misgott hráefni. Þefnæmir íbúar á Akranesi geta staðfest það. Guðmundur segir á vef HB Granda að nauðsynlegt sé að kæla gulldepluna og hafa veiðiferðirnar ekki of langar til þess að fiskurinn væri sæmilega heillegur þegar honum er landað til bræðslu. „Ef ekki er hugað að þessu þá verður niðurbrotið í aflanum mjög mikið og þess eru dæmi að menn hafi orðið að vinna með súrefnisgrímur við löndun,“ segir Guðmundur og bætir við: „Hins vegar er hægt að vinna fínasta mjöl og lýsi úr gulldeplunni ef hráefnið er ferskt og gott. Mér skilst að afurðirnar hafi líkað vel og þá sérstaklega lýsið,“ segir Guðmundur Hannesson.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is