Forsíða
Auglýsing
Rss straumur af fréttum frá Skessuhorni
Lágnætti. Fjórði Sunnudagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. febrúar. 2011 08:01

Mótmæla því að fólki sé mismunað eftir búsetu

Stjórn samtakann Landsbyggðin lifi, hefur sent frá sér áskorun til Alþingis og ríkisstjórnar um að bundið verði í lög hvaða opinber þjónusta skuli vera á hverju landssvæði fyrir sig, með það að markmiði að þjónustustig sé ekki skert á þann hátt að fólki sé mismunað eftir landssvæðum. „Einnig er mikilvægt að rekstrarhagræðing skili raunverulegum sparnaði en felist ekki einungis í flutningi á þjónustu og þar með kostnaði milli landssvæða og standa þannig vörð um hagsmuni íbúa landsins alls til framtíðar, hvort sem í hlut eiga fámennar byggðir eða þéttbýli,“ segir í áskoruninni.

 

 

 

 

Í greinargerð segir m.a. að lýst sé þungum áhyggjum yfir stefnuleysi stjórnvalda í uppbyggingu og rekstri opinberrar þjónustu. „Nauðsynlegt er að sett verði skýr stefna um hvaða þjónusta skuli vera á hverju landssvæði fyrir sig og settur verði skýr lagarammi utan um þá þjónustu með það að markmiði að fjármagnið nýtist sem best til hagsbóta fyrir íbúa landsins alls.  Það er ólíðandi að fjárlög sem kynnt eru í lok hvers árs og eins, og nú síðast voru samþykkt í desember, séu stefnumótandi fyrir lífsafkomu heilu byggðarlaganna og geti breytt aðstæðum þeirra sem þar búa í einu vetfangi.

 

Það er ekki ásættanlegt að móta í raun stefnuna til eins árs í senn. Þessi stutti tími skapar hættu á skammtímasparnaði sem hugsanlega myndar kostnað til lengri tíma vegna uppsafnaðra fjárfestinga- og þjónustuþarfa. Móta þarf langtímastefnu um opinbera þjónustu þar sem litið er á heildarrekstarrkostnað opinberrar þjónustu yfir lengra tímabil.  Óöryggi um framtíð byggðarlaga og þar með þeirra sem þar búa dregur úr þeim allan kraft m.a. til nýsköpunar og atvinnuuppbyggingar. Hlutverk fjárlaga á að vera að sjá til þess að stefnu stjórnvalda sé framfylgt, en ekki að móta hana.“ Að lokum segir að fjárlög ársins 2011 beri þess ljósan vott að stjórnvöld hafa ekki mótað nokkra framtíðarstefnu um hlutverk og umfang þeirrar þjónustu og starfsemi sem ríkið á að veita  og það sé ekki á nokkurn hátt ásættanlegt að svo verði áfram.

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is