Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. febrúar. 2011 01:01

Herra einn-einn-tveir er í Grundarfirði

Í dag er dagur Neyðarlínunnar, eða 112 dagurinn. Hann hefur verið haldinn hátíðlegur árlega frá 2005 og ber alltaf upp á þennan dag, 11. febrúar. Ungur maður í Grundarfirði tengist þessum degi með margvíslegum hætti og kannski meira en gerist og gengur. Gústav Alex Gústavsson fagnar ekki einungis 23 ára afmælisdegi sínum í dag heldur tekur hann virkan þátt í viðburðum 112 dagsins í bænum. Hann er meðlimur í Slökkviliði Grundarfjarðar, björgunarsv. Klakki og starfar sem sjúkraflutningamaður og má því segja að hann geti svarað nánast öllum útköllum Neyðarlínunnar, utan lögreglunnar, á svæðinu. Auk þess húðflúraði hann þessar tölur, 112, á öxlina á sér þegar hann var staddur erlendis fyrir nokkrum árum. Skessuhorn náði tali á þessum unga viðbragðsaðila í Grundarfirði. 

Fannst fyndið að húðflúra á sig 112

En hefur Gústav ekki íhugað að ganga til liðs við lögregluna til þess að geta svarað öllum þeim útköllum sem berast í gegnum 112?

“Nei, það hefur ekki hvarflað að mér,” svaraði Gústi. “Miðað við hvernig ástandið er í þjóðfélaginu í dag, allan þann niðurskurð sem lögregluembættin mega þola, tel ég það ekki skynsamlegt.” Gústi er lærður húsasmiður og starfar sem slíkur í Grundarfirði. Hann segir Neyðarlínuna ekki hafa tengst þeirri ákvörðun að húðflúra 112 á öxlina á sér. “Nei, þar spilaði afmælisdagurinn stærra hlutverk. Ég var staddur erlendis og fannst þetta fyndið,” segir Gústi og hlær.  

 

Markmið 112 dagsins er að kynna neyðarnúmerið 112 og starfsemi hinna fjölmörgu neyðarþjónustuaðila sem tengjast því, efla vitund almennings um mikilvægi þessarar starfsemi og hvernig þjónustan nýtist almenningi. Gústi segist ætla að taka þátt í viðburðum 112 dagsins í Grundarfirði í dag en síðan liggi leiðin í höfuðborgina þar sem afmælisdagurinn verður haldinn hátíðlegur í faðmi kærustunnar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is