Forsíða
Auglýsing
Rss straumur af fréttum frá Skessuhorni
Rismál. Þriðji Óðinsdagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. febrúar. 2011 04:03

Andlát – Einar Trausti Sveinsson

Einar Trausti Sveinsson Borgnesingur og ólympíufari lést sunnudaginn 20. febrúar síðastliðinn 28 ára að aldri. Einar Trausti fæddist í Reykjavík 18. apríl 1982, sonur Sveins Trausta Guðmundssonar og Svanhildar Karlsdóttur. Systkini hans eru 1) Helga f. 1977, maki Bjarki Kárason og eiga þau fjögur börn. 2) Karl f. 1980, maki Margrét Lilja Árnadóttir og eiga þau þrjú börn. Systkini sammæðra er Jón Ingi f. 1990, maki Karen Rut Ragnarsdóttir og samfeðra er Eva Lísa f. 1995.

 

Einar Trausti ólst upp í Hrútafirði til þriggja ára aldurs. Þaðan flytur hann í Borgarnes þar sem hann elst upp með móður sinni, fósturföður, Þórði Helga Jónssyni, og systkinum.

Einar Trausti fæddist með líkamlega fötlun og hafði einstakt göngulag sem hann lét ekki hindra sig í að njóta lífsins. Snemma fór hann að iðka íþróttir og náði fljótt góðum árangri. Hann tók þátt í ýmsum mótum bæði hér innanlands sem á alþjóðavettvangi. Markvissar æfingar í þjálfun hóf hann árið 1997 undir handleiðslu Írisar Grönfelt og Kára Jónssonar landsliðsþjálfara ÍF í frjálsum íþróttum.

Árið 1998 var Einar Trausti valinn til keppni á Heimsmeistaramót fatlaðra sem fram fór í Birmingham þar sem hann vann til bronsverðlauna í spjótkasti auk þess að hafna í 4. sæti í kringlukasti og 8. sæti í kúluvarpi.

Árið 1999 hafnaði Einar Trausti í 2. sæti í spjótkasti á Evrópumóti spastískra sem fram fór í Nottingham auk þess að hafna í 5. sæti í kringlukasti og 6. sæti í kúluvarpi. Þess má geta að Einar átti heimsmet í um klukkustund í spjótkastkeppninni á þessu móti.

Árið 2000 var Einar Trausti meðal sex keppenda frá Íslandi sem náðu tilskyldum lágmörkum fyrir Ólympíumót fatlaðra sem fram fór í Sydney. Meiðsli höfðu þá um skeið háð honum en þar hafnaði hann í 5. sæti í spjótkasti og 10. sæti í kringlukasti.

Einar Trausti hætti keppni á alþjóðavettvangi eftir Ólympíumótið og tók síðast þátt í mótum á vegum ÍF árið 2003. Hann setti mörg Íslandsmet í spjótkasti, kringlukasti og kúluvarpi sem enn standa. Hann var tvívegis valinn íþróttamaður ársins í Borgarbyggð og einu sinni íþróttamaður ársins hjá UMSB. Einar Trausti starfaði lengst af á Olís í Borgarnesi og bjó mestalla sína ævi í Borgarnesi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is