Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. mars. 2011 11:42

Snæfell deildarmeistarar 2011

Snæfell varð í gærkvöldi deildarmeistari í úrvalsdeild karla í körfuknattleik þegar liðið vann Hamar, 76-64, á heimavelli sínum í Stykkishólmi. Aðeins ein umferð er eftir af mótinu en Snæfell hefur eftir leikinn í gær fjögurra stiga forskot á KR. Næsti leikur, og jafnframt sá síðasti í IE-deildinni, er einmitt viðureign þessara liða á heimavelli KR fimmtudaginn 10. mars næstkomandi.

 

 

 

 

 

Leikurinn í gær fór hratt af stað og ekki vantaði baráttuna í Hamarsmenn. Eftir fyrsta leikhluta var staðan 19-17 Snæfellingum í vil en dæmið snérist við í öðrum leikhluta. Hamar náði að jafna í stöðunni 21-21 og var leikurinn bæði jafn og spennandi. Snæfell hafði komið sér í vænlega stöðu 31-25 þegar gestirnir tóku á sprett, skoruðu tíu stig í röð og komust yfir 31-35. Það voru því pirraðir heimamenn sem gengu út af vellinum í hálfleik, þremur stigum undir í stöðunni 36-39.

Snæfellingar komu þó mun betri til leiks í síðari hálfleik og leiddu eftir þriðja leikhluta 59-50. Þessari forystu náðu þeir að halda til loka þó svo að Hamarsmenn hafi aldrei gefist upp. Lokatölur urðu því eins og áður sagði 76-64 Snæfelli í vil og fengu heimamenn því deildarmeistaratitilinn afhentan í lok leiks.

Pálmi Freyr Sigurgeirsson var atkvæðamestur í liði Snæfells með 16 stig, fimm fráköst og þrjár stoðsendingar. Næstur kom Jón Ólafur Jónsson með 13 stig og 16 fráköst. Zeljko Bojovic gerði tólf stig og tók sex fráköst, Ryan Amoroso gerði einnig tólf stig en tók átta fráköst og Sveinn Arnar Davíðsson gerði átta stig og tók átta fráköst. Sean Burton skoraði sex stig, tók fjögur fráköst og gaf sex stoðsendingar, Emil Þór Jóhannsson gerði fimm stig og Atli Rafn Hreinsson fjögur. Aðrir komust ekki á blað. Í liði Hamars var Devin Sweetney langstigahæstur með 24 stig, átta fráköst og þrjár stoðsendingar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is