Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. mars. 2011 11:11

Snæfell tapaði í síðasta leik deildarinnar

Snæfell tapaði gegn KR 116-93 í gærkvöldi í síðasta leik IE-deildarinnar. Leikurinn hafði enga þýðingu fyrir Snæfell enda voru þeir fyrir leikinn búnir að tryggja sér fyrsta sætið í deildinni og deildarmeistaratitilinn en KR endaði í 2. sæti eftir þennan leik. Snæfellingar mæta svo Haukum, sem náðu 8. sætinu í deildinni, í úrslitakeppninni sem hefst á fimmtudaginn 17. mars í næstu viku.

Heimamenn í Vesturbænum byrjuðu leikinn af miklum krafti en Snæfellingar héldu sér þó inni í leiknum með Ryan Amoroso í fararbroddi. Staðan var 25-22 eftir fyrsta leikhluta KR-ingum í vil og þeir leiddu einnig í hálfleik 51-47. Mikil barátta var í KR liðinu í síðari hálfleik enda skipti leikurinn þá mun meira máli en Hólmarana. Amoroso var á bekknum allan síðari hálfleik og Nonni Mæju var kominn með þrjár villur snemma í fyrri hálfleik.

Vesturbæingar tóku á sprett og var leikurinn úti snemma í síðari hálfleik. Eftir þriðja leikhluta var staðan 89-70 heimamönnum í vil og eins og áður sagði urðu lokatölur 116-93 og KR-ingar því vel að sigrinum komnir.

Atkvæðamestur í liði Snæfells var Pálmi Freyr Sigurgeirsson með 15 stig og fimm fráköst. Jón Ólafur Jónsson gerði 14 stig og tók sex fráköst, Sean Burton 13 stig og fjögur fráköst, Zeljko Bojovik 12 stig og Ryan Amoroso 12 stig og fimm fráköst allt í fyrri hálfleik. Emil Þór Jóhannsson gerði 11 stig, Atli Rafn Hreinsson sjö, Sveinn Arnar Davíðsson gerði fjögur stig og tók fjögur fráköst, Egill Egilsson skoraði þrjú stig og Daníel A. Kazmi tvö. Marcus Walker var langstigahæstur í liði KR með 27 stig.

 

Þannig mætast eftirfarandi lið í úrslitakeppninni:

Snæfell - Haukar

KR - Njarðvík

Keflavík - ÍR

Grindavík - Stjarnan

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is