Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. mars. 2011 11:31

Jón Ingi er íþróttamaður Borgarbyggðar

Jón Ingi Sigurðsson sundmaður úr Skallagrími var kjörinn íþróttamaður Borgarbyggðar árið 2010 við hátíðlega athöfn í Hjálmakletti síðastliðið laugardagskvöld, en þann dag var einnig haldin í húsinu Danshátíð Borgarfjarðar. Tómstundanefnd Borgarbyggðar kýs árlega íþróttamann ársins úr tilnefningum frá ungmenna- og íþróttafélögum í sveitarfélaginu. Kjörið fór nú fram í tuttugasta sinn og voru tíu íþróttamenn tilnefndir að þessu sinni. 

 

 

 

 

 

Í tilnefningu frá sunddeild Skallagríms segir um Jón Inga að hann sé ákaflega duglegur og efnilegur sundmaður. Jón Ingi bætti 37 Borgarfjarðarmet á árinu í pilta- og karlaflokki og á nú 60 Borgarfjarðarmet. Hann á auk þess besta tíma ársins á landinu í flokki 15-17 ára í 50 m bringusundi, annan besta tímann í 100 metra bringusundi í hvort heldur 25 og 50 metra laug, þriðja besta tímann í 200 m bringusundi í 50 m laug og fjórða besta í 25 m laug.  Jón Ingi er jákvæður, prúður og kurteis keppnismaður sem leggur allt af mörkum á mótum. Hann bætti sig mikið á árinu 2010 og er tvímælalaust einn besti sundmaður Borgfirðinga. Hann er jafnframt einn besti bak- og bringusundsmaður á landinu í dag og mjög efnilegur fjórsundsmaður. Jón Ingi hefur aðstoðað við sundþjálfun yngri barna á árinu með góðum árangri,” segir ennfremur vegna tilnefningar Jóns Inga.

Hinir íþróttamennirnir sem tilnefndir voru eru: Arnór Tumi Finnsson Umf. Skallagrími fyrir badminton, Birgir Þór Sverrisson Umf. Skallagrími  fyrir körfuknattleik, Bjarki Pétursson Golfklúbbi Borgarness fyrir golf, Erna Dögg Pálsdóttir Dansíþróttafélagi Borgarfjarðar fyrir dans, Gunnar Halldórsson Hestamannafélaginu Skugga fyrir hestamennsku, Orri Jónsson Umf. Dagrenningu fyrir frjálsar íþróttir,  Sigmar Aron Ómarsson Umf. Íslendingi fyrir frjálsar íþróttir, Sigrún Rós Helgadóttir Hestamannafélaginu Faxa fyrir hestamennsku og Sölvi Gylfason Umf. Skallagrími fyrir knattspyrnu.

Tveir íþróttamenn hlutu viðurkenningu úr Minningasjóði Auðuns Hlíðkvists Kristmarssonar að þessu sinni, þeir Ólafur Axel Björnsson og Sumarliði Páll Sigurbergsson. Fjórir ungir íþróttamenn í Borgarbyggð voru valdir í landslið Íslands á árinu 2010, hver í sinni grein og hlutu þeir viðurkenningu fyrir árangur sinn. Þau eru:

Bjarki Pétursson sem var í unglingalandsliði U-16 ára í golfi, Hulda Rún Finnbogadóttir sem var í unglingalandsliði í skák, Sigmar Aron Ómarsson sem var í A-landsliði í dansi og Tinna Kristín Finnbogadóttir sem var í unglingalandsliði í skák og í A-landsliði kvenna í skák.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is