Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. mars. 2011 12:01

Ýmsar upplýsingar vegna þjóðaratkvæðagreiðslunnar 9. apríl

Kjörskrár vegna þjóðaratkvæðagreiðslu um samþykkt eða synjun Icesave laganna, sem fram fer laugardaginn 9. apríl 2011, skulu lagðar fram eigi síðar en miðvikudaginn 30. mars. Kjörskrá ber að leggja fram almenningi til sýnis á skrifstofum sveitarstjórna eða öðrum hentugum stöðum, segir í tilkynningu frá innanríkisráðuneytinu. Sveitarstjórnir auglýsa hvar kjörskrár liggja frammi á þann hátt á hverjum stað sem venja er þar að birta opinberar auglýsingar. Eftir að kjörskrá hefur verið lögð fram liggur hún frammi á almennum skrifstofutíma til kjördags. Staðfest eftirrit af kjörskrá má hafa til að leggja fram. Þeim sem vilja koma að athugasemdum við kjörskrá er bent á að senda þær hlutaðeigandi sveitarstjórn. Athygli er vakin á því að sveitarstjórn getur allt fram á kjördag gert leiðréttingar á kjörskrá, ef við á.

 

 

 

 

Upplýsingavefurinn kosning.is

Á kosningavef innanríkisráðuneytisins, kosning.is, er að finna hagnýtar upplýsingar um framkvæmd þjóðaratkvæðagreiðslunnar, svo sem leiðbeiningar til kjósenda um framkvæmd atkvæðagreiðslunnar, kosningarrétt, atkvæðagreiðslu utan kjörfundar, táknmálsfrétt o.fl. Þá geta kjósendur nú kannað á vefnum hvar þeir eru á kjörskrá. Með því að slá inn kennitölu kjósanda kemur upp nafn hans, lögheimili og sveitarfélag. Reykvíkingar og íbúar nokkurra stærri sveitarfélaga í landinu fá einnig upplýsingar um kjörstað og kjördeild.

 

Innanríkisráðuneytinu ber að enda öllum heimilum í landinu sérprentun laganna sem kosið er um í þjóðaratkvæðagreiðslunni. Dreifing sérprentunarinnar hófst í dag, en það er Íslandspóstur sem annast dreifinguna fyrir hönd  innanríkisráðuneytisins.

 

Í sérprentuninni er vakin athygli á því að á vefsíðu Alþingis, althingi.is, undir dálkinum Efni um Icesave, er að finna frumvarpið sem varð að lögum nr. 13/2011 ásamt öllum skjölum er varða meðferð þess. Þá er ennfremur vísað á vefinn kosning.is, þar sem upplýsingar um framkvæmd þjóðaratkvæðagreiðslunnar er að finna. Einnig er í bæklingnum vísað á kynningarvefinn thjodaratkvaedi.is, en þar er finna kynningu Lagstofnunar Háskóla Íslands á Icesave-samningnum ásamt upplýsingum um vefslóðir með mismunandi sjónarmiðum.

 

Kynningarefni unnið af Lagstofnun Háskóla Íslands

Lagastofnun Háskóla Íslands vinnur að gerð hlutlauss kynningarefnis vegna þjóðaratkvæðagreiðslunnar í samræmi við ályktun Alþingis þar að lútandi. Á vefsíðunni  thjodaratkvaedi.is segir að vefurinn verði opnaður í dag, mánudaginn 28. mars og að kynningarbæklingi Lagstofnunar verði dreift inn á hvert heimili mánudaginn 4. apríl og þriðjudaginn 5. apríl.

 

Þar kemur einnig fram að ýmsir áhugamenn um málefni þjóðaratkvæðagreiðslunnar 9. apríl hafa sett á laggirnar vefsíður til að koma á framfæri efni því tengdu og taka þátt í þjóðmálaumræðunni. Er bent á að ábendingar um slíkar vefsíður séu vel þegnar á veffangið thjodaratkvaedi@thjodaratkvaedi.is til að unnt sé að vísa á þær af kynningarvef Lagastofnunar  þannig að mismunandi sjónarmið fái að njóta sín.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is