Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. apríl. 2011 10:42

Fyrsta alþjóðlega brúðulistarhátíðin í Borgarnesi hófst í gær

“Það er í sjálfu sér rökrétt framhald af opnun Brúðuheima að brúðulistarhátíð skuli hleypt af stokkunum í Borgarnesi,” sagði Páll S Brynjarsson sveitarstjóri í Borgarbyggð sem í gær setti fyrstu alþjóðlegu brúðulistarhátíðina í Borgarnesi. “Dagskrá hátíðarinnar ber vott um metnað þeirra sem að henni standa. Hingað koma erlendir þátttakendur sem þekktir eru af verkum sínum og það er von mín að þeir njóti dvalar sinnar í Borgarnesi og að við heimamenn nýtum tækifærið og kynnumst verkum þeirra.” Páll sagði menningartengda ferðaþjónusta sífellt setja sterkari svip á sveitarfélagið og eitt fegursta blómið í þeirri fjölbreyttu flóru menningar og lista væru Brúðuheimar.

 

 

 

 

Brúðulistarhátíðin, BIP, sem stendur í fjóra daga var sett með hátíðlegri athöfn í Gamla mjólkursamlaginu í gær. Hún hófst með opnun yfirlitssýningar á verkum Michael Meschke heiðursgests hátíðarinnar en hún mun standa í Mjólkursamlagshúsinu fram í byrjun maí.

 

Við opnunina flutti Helga Arnalds formaður UNIMA stutt ávarp um íslenskt brúðuleikhús og starfsemi félagsins. Sagði hún setningu hátíðarinnar stóran dag fyrir alla þá sem áhuga hafa á brúðuleikhúsi og að spennandi sé að fylgjast með uppbyggingunni í Borgarnesi. Hallveig Thorlacius, móðir Helgu, bauð heiðursgest hátíðarinnar Michael Meschke næst velkominn og rifjaði upp stórt hlutverk hans í sögu íslenskrar brúðulistar. Hún kallaði hann “ljósfaðir” UNIMA á Íslandi en Meschke, sem kemur frá Svíþjóð, var forsprakkinn af því að samtökin voru stofnuð hér á landi. Hann hefur verið þekktur fyrir að byggja brúðusýningar sínar á þekktum og virtum skáldverkum og ákvað Hallveig því að gefa honum enskar útgáfur af Egils sögu, Laxdælu og Snorra Eddu í von um að hann setji upp brúðuleikrit eftir bókmenntaarfi okkar Íslendinga. Meschke lýsti næstur yfir þakklæti sínu og aðdáun en hann sagði Brúðuheima í Borgarnesi einstaka á heimsvísu. Hann sagðist í raun afbrýðisamur út í þessa glæsilegu hátíð og óskaði forsprökkum hennar góðs gengis í framtíðinni. Hildur Magnea Jónsdóttir, Bernd Ogrodnik og Sigríður Sunna Reynisdóttir, verkefnastjóri hátíðarinnar, mættu vera stolt af árangrinum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is