Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. apríl. 2011 11:01

Ráðherra gefur út nýja reglugerð um strandveiðar

Jón Bjarnason, sjávarútvegsráðherra hefur undirritað reglugerð um strandveiðar fyrir fiskveiðiárið 2010/2011. Þetta er þriðja sumarið sem frjálsar handfæraveiðar með takmörkunum á heildarmagni eru heimilaðar en lög um þær tóku fyrst gildi 19. júní 2009. „Með strandveiðum hefur náðst umtalsverður árangur í þá veru að örva og styrkja atvinnustarfsemi í sjávarbyggðum,“ segir í tilkynningu frá ráðuneytinu.   Reglugerð ráðherra nú tekur mið af þeirri reynslu sem komin er af strandveiðum síðastliðin sumur og eru breytingar nú frá fyrra ári óverulegar. Aflaheimildir samkvæmt reglugerðinni skiptast á fjögur landssvæði.

Þannig nær t.d. svæði A frá Eyja- og Miklaholtshreppi til Súðavíkurhrepps, en í hlut þess svæðis koma 1.996 tonn sem skiptast á þann veg að heimilt er að veiða allt að 499 tonnum í maí, 599 tonnum í júní, 599 tonnum í júlí og 299 tonnum í ágúst. Svæði C nær frá sveitarfélaginu Hornafirði í austri, suður um til og með Borgarbyggð. Í hlut þess svæðis koma alls 1.047 tonn sem skiptast þannig að heimilt er að veiða allt að 419 tonnum í maí, 366 tonnum í júní, 157 tonnum í júlí og 105 tonnum í ágúst.

 

Eina breytingin frá fyrra ári er sú að tilfærsla hefur verið gerð milli tímabila á svæði C, þar sem skiptingin var í fyrra þannig að hlutfallslega meira kom áður til veiða á fyrri hluta tímabilsins og byggir þessi breyting á reynslu síðasta árs.

Sem fyrr er sama fiskiskipi aðeins veitt leyfi til strandveiða á einu landssvæði á fiskveiðiárinu. Þá hefur sú breyting tekið gildi að óheimilt er að veita fiskiskipi leyfi til strandveiða hafi aflamark umfram það aflamark sem flutt hefur verið til þess á fiskveiðiárinu, verið flutt af því. Eftir útgáfu leyfis til strandveiða er skipum óheimilt að flytja frá sér aflamark ársins umfram það sem flutt hefur verið til þeirra.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is