Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. apríl. 2011 09:53

Afkoma bæjarsjóðs Snæfellsbæjar 240 milljónum betri en áætlað var

Ársreikningur bæjarsjóðs Snæfellsbæjar fyrir 2010 var tekinn til fyrri umræðu í bæjarstjórn í gær.  Síðari umræða fer fram 5. maí nk. Rekstrartekjur A og B hluta sveitarsjóðs námu 1.559,3 milljónum árið 2010 en fjárhagsáætlun gerði ráð fyrir rekstrartekjum upp á 1.329,5 millj. króna. Rekstrartekjur A- hluta námu um 1.204,0 millj. króna en fjárhagsáætlun gerði ráð fyrir rekstrartekjum um 1.046,0 millj. króna.  Samkvæmt rekstrarreikningi var hagnaður af starfsemi A og B hlut sveitarstjóðs 127,3 milljónir króna en samkvæmt fjárhagsáætlun var gert ráð fyrir tapi upp á 112,7 millj. króna. Afkoman varð því 240 milljónum króna betri en áætlað var.  Rekstrarniðurstaða A-hluta sýndi afgang upp á 73,7 millj. króna en fjárhagsáætlun gerði ráð fyrir tapi upp á um 109,0 millj. króna. Afkoman varð því betri sem nemur 182,7 millj. króna. 

„Ástæða þessa er að mestu leyti hærri skatttekjur og lægri fjármagnsgjöld en áætlun ársins 2010 gerði ráð fyrir, enda þótti rétt að hafa allar tekjuáætlanir varfærnar ásamt því að gert var ráð fyrir hærri verðbólgu á árinu en raunin varð,“ segir Kristinn Jónasson bæjarstjóri í samtali við Skessuhorn.

 

Veltufé frá rekstri Snæfellsbæjar var 250,5 millj. króna og veltufjárhlutfall er 1,4.  Handbært frá rekstri var 249,8 milljónir. Heildareignir bæjarsjóðs námu um 2.750,4 millj. króna og heildareignir sveitarfélagsins í samanteknum ársreikningi um 3.531,1 millj. króna í árslok 2010. Heildarskuldir bæjarsjóðs námu um 1.378,0 millj. króna og í samanteknum ársreikningi um 1.815,9 millj. króna, og lækkuðu þar með milli ára um 78,6 milljónir.  Fjárfestingarhreyfingar voru 208,9 milljónir og fjármögnunarhreyfingar 112,6 milljónir. Snæfellsbær fjárfesti á árinu fyrir 213,9 milljónir í varanlegum rekstrarfjármunum og tók ný lán upp á 80 milljónir króna en greiddi niður lán að fjárhæð 192,6 milljónir. Álagningarhlutfall útsvars var 13,28 %. Álagningahlutfall fasteignaskatts nam 0,44% á íbúðarhúsnæði og álagningarhlutfall á aðrar fasteignir nam 1,55%.

 

Hægt verður að nálgast ásreikninginn á bæjarskrifstofunni og á heimasíðu Snæfellsbæjar, www.snb.is

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is