Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. apríl. 2011 12:15

Snæfellsstúlkur hársbreidd frá Íslandsmeistaratitlinum

Stelpurnar í unglingaflokki kvenna hjá Snæfelli voru ansi nálægt því að tryggja sér Íslandsmeistaratitilinn í körfuknattleik um síðustu helgi. Eftir að hafa tryggt sér örugglega í úrslit eftir góðan sigur á Njarðvík 75-53 mættu þær Keflavík í úrslitaleiknum sem var vægast sagt dramatískur. Keflvíkingar unnu með tveimur stigum 72-70 en úrslitakarfan kom þegar aðeins 0,18 sekúndur voru til leiksloka.  Snæfellingar höfðu fyrir þennan leik ekki tapað leik á tímabilinu og voru búnar að tryggja sér bæði bikar- og deildarmeistaratitilinn. Hólmarar leiddu í hálfleik í stöðunni 35-37 og allt benti til þess að þær myndu stinga Keflvíkinga af.

Í síðari hálfleik gerðu Keflvíkingar hins vegar átta stig í röð áður en Snæfell komst á blað og leiddu síðan lungann úr síðari hálfleik. Snæfellsstúlkurnar gáfust þó ekki upp og náðu að jafna metin í 70-70 af vítalínunni. Keflvíkingar áttu lokasóknina þegar 25 sekúndur voru til leiksloka og gáfu sér góðan tíma. Þegar 0,18 sekúndur voru til leiksloka datt boltinn loks í netið. Leikmenn Keflavíkur þutu inn á völlinn til að fagna lokakörfunni en Snæfellingar heimtuðu tæknivíti því leiktíminn var ekki alveg runninn út. Tæknivítin voru hins vegar ekki dæmd og Snæfell tók innkast á miðjum velli. Ellen Alfa Högnadóttir reyndi þriggja stiga skot en hitti ekki hringinn. Keflavík fagnaði því sigri 72-70.

Í liði Snæfells var Björg Guðrún Einarsdóttir stigahæst með 19 stig og sjö stoðsendingar og Helga Hjördís Björgvinsdóttir gerði 16 stig og tók átta fráköst. Eva Rós Guðmundsdóttir var atkvæðamest í liði Keflavíkur með 17 stig, ellefu fráköst og átta stoðsendingar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is