Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. apríl. 2011 11:32

Setja rækilega ofan í við stjórnendur Orkuveitunnar

Sveitarstjórn Borgarbyggðar setur rækilega ofan í við stjórnendur Orkuveitu Reykjavíkur í bókun sem lögð var fram á sveitarstjórnarfundi í gær og samþykkt af öllum níu fulltrúum í sveitarstjórn. Borgarbyggð á áheyrnarfulltrúa í stjórn OR sem gætir 0,93% eignarhluta sveitarfélagsins. Það voru fulltrúar Samfylkingar, í minnihluta sveitarstjórnar, sem höfðu frumkvæði af að leggja bókunina fram, en öll sveitarstjórnin stóð þó að henni. Í bókuninni kemur fram hörð gagnrýni á þær miklu hækkanir sem urðu á fráveitugjöldum á dögunum og var liður í aðgerðaáætlun vegna fjárhagsvanda OR. Sveitarstjórn Borgarbyggðar segir m.a. í bókun sinni að frá því Orkuveita Reykjavíkur tók við rekstri fráveitu Borgarbyggðar 15. desember 2005 hafi notendur sveitarfélagsins greitt um það bil 32% hærra gjald en íbúar á öðrum svæðum eigenda OR, sem sé algjörlega óásættanlegt.

 

 

 

 

 

Í bókunni segir enn fremur. “Fáar eða engar af þeim forsendum og tímamörkum sem voru hafðar til hliðsjónar er samningur var gerður um að Orkuveita Reykjavíkur tæki yfir fráveituna, hafa staðist. Það að kostnaður við endurbætur veitunnar hafi farið langt fram úr þeim áætlunum sem gerðar voru, er einungis á ábyrgð Orkuveitunnar. Borgarbyggð fór ekki fram á neinar breytingar á þeim forsendum sem lagt var upp með og ekki verður séð að annað hafi valdið margföldun kostnaðar en þær vinnuaðferðir sem Orkuveitan starfaði eftir. Því er ekki ásættanlegt að notendur fráveitu OR í Borgarbyggð greiði hærra verð en íbúar annarra sveitarfélaga sem eru eigendur OR.  Jafnvel þó OR ljúki á næstu árum við þær framkvæmdir sem átti að vera lokið,“ segir ennfremur í bókuninni.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is