Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. apríl. 2011 02:01

Sameinast um ráðningu starfsmanns í eftirlit með útgáfu vinnustaðaskírteina

Stéttarfélag Vesturlands og Verkalýðsfélag Snæfellinga hafa sameinast um að ráða til sín starfsmann til að hafa eftirlit með vinnustaðaskírteinum. Einar Pálsson viðskiptafræðingur í Borgarnesi var ráðinn til starfsins og er hann að hefja störf þessa dagana.  Vinnustaðaskírteinum er ætlað að vinna gegn svartri atvinnustarfsemi og undirboðum á vinnumarkaði í samræmi við lög númar 42/2010. Verkalýðsfélögin leggja mikla áherslu á að öll fyrirtæki sitji við sama borð og að settum reglum sé fylgt. Einar mun hafa aðsetur á skrifstofu Stéttarfélags Vesturlands í Borgarnesi en mun ferðast um starfssvæði beggja félaganna á næstunni til að fylgja eftir reglum um útgáfu og notkun skírteinanna.

 

 

 

Lög nr. 42/2010 skylda atvinnurekendur í ákveðnum greinum til að útbúa vinnustaðaskírteini fyrir starfsmenn sína sem þeir eiga að bera á sér við vinnu. Þær greinar sem um ræðir eru fyrst um sinn byggingaiðnaður og ferðaþjónusta. Markmið laganna er að tryggja að atvinnurekendur og starfsmenn þeirra fari að gildandi lögum, reglugerðum og kjarasamningum, aðallega að koma í veg fyrir “svarta” vinnu, bótasvik og vinnu útlendinga án atvinnuleyfa. Samtökum atvinnulífsins og ASÍ var einnig með lögunum falið að hafa eftirlit með að reglunum væri framfylgt.  Eftirlitið hefur verið virkt á höfuðborgarsvæðinu og víðar en er nú að fara af stað á starfssvæði þessara tveggja stéttarfélaga á Vesturlandi sem nær frá Hvalfjarðarbotni norður í botn Gilsfjarðar, að Akranesi undanskildu.

 

Nánari upplýsingar á: www.skírteini.is

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is