Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. apríl. 2011 08:01

Búið að endurvekja knattspyrnufélagið Kára

Í síðustu viku var Knattspyrnufélagið Kári á Akranesi formlega endurvakið og mun spila í deildarbikar, VISA bikar og Íslandsmóti 3. deildar í sumar. Knattspyrnufélagið Kári var starfandi til ársins 1986, en þá lagt til hliðar. Árið 2006 var ákveðið að stofna lið í anda Kára og KA með nýju félagsmerki beggja liða, en félagið var svo lagt niður í lok árs 2007. Félag er nú endurvakið eingöngu sem Knattspyrnufélagið Kári. Fimmtán manns mættu á fundinn þegar félagið var endurvakið.  Kosin var ný stjórn Kára sem er skipuð þeim Sveinbirni Geir Hlöðverssyni formanni, varaformaður er Einar Gíslason, gjaldkeri Stefán B. Ólafsson, ritari Guðmundur Dagur Jóhannsson og meðstjórnandi Ingimar Ólafsson. Varamenn: Eyþór Ólafur Frímannsson og Sigurjón Jónsson.

 

 

 

Sérstakur gestur fundarins var Helgi Daníelsson heiðursfélagi Kára og mikill áhugamaður um félagið. Hann lagði fram tillöguna um að Kári yrði endurvakinn í anda gamla Kára og að aðalbúningur félagsins yrði fyrsti búningur Kára frá árinu 1922, en félagið spilaði þá í rauðum og svörtum þverröndóttum búningum. Að auki vildi hann að upprunalegt merki félagsins yrði notað á búninginn. Ef stjórn og leikmenn myndu samþykkja þessa hugmynd ætlaði hann að gefa félaginu búningana að gjöf. Að sögn Sveinbjörns formanns var þessi fallega og rausnarlega tillaga Helga samþykkt einróma, heiðra á þennan hátt sögu Knattspyrnufélagsins Kára, en félagið verður 90 ára á næsta ári.

Kynntir voru núverandi styrktaraðilar Kára sem eru Landsbankinn, en bankinn er aðalstyrktaraðilar félagsins í gegnum Fjöliðjuna sem verður líknarfélag Kára í sumar og auglýst á búningum félagsins. Aðrir styrktaraðilar eru: Íslandsbanki, Apótek Vesturlands, ÞÞÞ, ToppÚtlit og Comp sf. Fyrsti leikur Kára á keppnistímabilinu verður að heiman í Visa bikar sunnudaginn 1. maí gegn Vængjum Júpiters. Fyrsti leikur í 3. deildinni verður síðan 21.maí gegn Afríku á Akranesvelli.

 

Myndin er frá fundinum þar sem Kári var endurvakinn: Sveinbjörn Geir Hlöðversson, Ingimar Ólafsson, Helgi Daníelsson, Eyþór Ólafur Frímannsson, Einar Gíslason og Guðmundur Dagur Jóhannsson.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is