Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. apríl. 2011 11:01

Stefnt að stórri Raftasýningu á tíu ára afmælisári

Laugardaginn 7. maí næstkomandi verður níunda hjólasýning Bifhjólafjélagsins Raftanna haldin í og við Hjálmaklett í Borgarnesi, hús Menntaskóla Borgarfjarðar. Undirbúningur Raftanna fyrir sýninguna hefst á míðjum vetri og er sífellt meira lagt í dagskrá. „Eitt árið urðum við þó að fella sýninguna niður vegna húsnæðisskorts og fengum við þá að heyra það frá heimamönnum að eitthvað vantaði sem boðaði vorkomu í menningarlíf héraðsins,“ segir Guðjón Bachmann sem verið hefur einn af forsvarsmönnum félagsins frá upphafi. Hjá mörgum bifhjólamönnum er sýningin orðinn fastur liður í upphafi sumars og koma þeir í hópum víða af landinu til að sýna sig og sjá aðra, kaupa hjóladót, fá sér kaffi og vöfflur og taka þátt í því sem er í gangi. Alltaf hefur aðgangur verið ókeypis á sýninguna.

 

 

 

Bifhjólafjélagið Raftarnir verða tíu ára 22. október í haust. 32 skráðu sig sem stofnfélaga, en framhaldsstofnfundur var haldinn viku síðar, 29. október 2001. Nú tíu árum síðar eru skráðir Raftar 112 talsins, þar af um 40 konur. Félagar eru aðallega fólk með búsetu í Borgarfirði eða tengsl við héraðið en einnig er góður hópur félaga úr Búðardal.  Þeir sem einu sinni eru teknir inn halda alltaf sínu félagsnúmeri þó þeir hætti að starfa um tíma, gamlir félagar geta því tekið upp þráðinn þar sem frá var horfið, með sínu upprunalega félagsnúmeri, segir Guðjón.

 

Raftarnir segja að félagið sé ungt en sögu mótorhjóla í héraðinu sé þó hægt að mæla í áratugum, eins og meðfylgjandi mynd ber með sér. „Við erum alltaf að reyna að skrá hjá okkur sögur, frásagnir og myndir af hjólafólki; gömlun hjólum og skellinöðrum. Ein mynd er mikil saga fyrir okkur og það væri því gaman ef einhver lumaði á hjólamynd handa okkur,“ segir Guðjón Bachmann að endingu.

 

Sjá myndir úr starfi félagsins í Skessuhorni vikunnar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is