Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. apríl. 2011 08:01

Tónlistarhátíðin IsNord verður um hvítasunnuhelgina

Hin árlega tónlistarhátíð IsNord verður haldin helgina 10. – 12. júní í sumar. Þrennir tónleikar verða haldnir að þessu sinni; í Borgarnesi, Reykholtskirkju og Stefánshelli í Hallmundarhrauni, en hann er skammt frá hinum þekkta Surtshelli. Listrænn stjórnandi hátíðarinnar er sem fyrr Jónína Erna Arnardóttir píanóleikari og meðstjórnandi er Margrét Guðjónsdóttir á Hvassafelli. Hátíðin hefst föstudaginn 10. júní kl. 20.30 í Borgarneskirkju með „Er sumarið kom yfir sæinn,“ tónleikum helguðum tónlist Sigfúsar Halldórssonar og mun Gunnlaugur sonur Sigfúsar verða kynnir á tónleikunum og segja frá ýmsum fróðleik um Sigfús og lögin hans. Auk hans koma fram Guðrún Ingimars, Bergþór Pálsson og Jónína Erna Arnardóttir.

 

 

 

 

Laugardaginn 11. júní kl. 16 verða tónleikarnir Ástríður og Chopin. Það eru einleikstónleikar í Reykholtskirkju með Ástríði Öldu Sigurðardóttur píanóleikara. Ástríður er ættuð úr Borgarfirðinum og einn af fremstu píanóleikurum á Íslandi í dag.

Sunnudaginn 12. júní kl. 16 verða tónleikar í Stefánshelli. Þar mun Voices Thules flytja miðaldatónlist í viðeigandi umhverfi. Voices Thules eru sönghópur sem samanstendur af fimm hljómlistarmönnum, en þeir hafa einmitt getið sér gott orð fyrir flutning sinn á miðaldatónlist.

 

Markmið hátíðarinnar er að fylgjast með því sem er að gerast hjá ungum tónskáldum en einnig að flytja sígild verk eldri tónskálda sem mættu heyrast oftar. Hátíðin leggur einnig mikið upp úr að í hópi flytjenda og tónskálda séu listamenn sem eru búsettir í eða ættaðir úr Borgarfirði.

 

Allar upplýsingar má finna á vefnum www.isnord.is.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is