Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. apríl. 2011 10:13

Bætt fjárhagsstaða Borgarbyggðar og jákvæð rekstrarafkoma

Rekstrarniðurstaða A og B hluta sveitarsjóðs Borgarbyggðar árið 2010 var jákvæð um 114 milljónir króna. Er það 69 milljónum betri niðurstaða en endurskoðuð fjárhagsáætlun gerði ráð fyrir og 273 milljónum betri niðurstaða en varð árið 2009. Heildartekjur árið 2010 voru 2.363 milljónir en rekstrarútgjöld án fjármagnsliða voru 2.140 milljónir. Fjármagnsgjöld voru 109 milljónir. „Niðurstaða ársreikningsins ber með sér að rekstur Borgarbyggðar er að nýju kominn á réttan kjöl eftir áföll kreppunnar haustið 2008,“ segir í tilkynningu frá sveitarstjórn. Ársreikningurinn var lagður fram til fyrri umræðu á fundi sveitarstjórnar í gær en síðari umræða verður á sveitarstjórnarfundi 12. maí nk.

 

 

 

 

Veltufé frá rekstri sveitarsjóðs var tæpar 273 milljónir eða 11,5% af rekstrarartekjum. Sveitarfélagið fjárfesti fyrir 1.097 milljónir á árinu. Helstu fjárfestingar voru kaup á mennta- og menningarhúsinu Hjálmakletti fyrir 903 milljónir, bygging hjúkrunarálmu við Dvalarheimili aldraðra í Borgarnesi fyrir 182 milljónir og framkvæmdir við fasteignir, götur og veitur fyrir um 12 milljónir. Eignir sveitarfélagsins voru í árslok 5.380 milljónir, en heildarskuldir og skuldbindingar 4.238 milljónir. Tekin voru ný lán fyrir 1.135 milljónir á árinu. Við kaup á Hjálmakletti féll hins vegar niður skuldbinding vegna leigusamnings sem nettó var metin á 1.151 milljón. Eigið fé sveitarfélagsins í árslok var 1.141 milljón og hækkaði um 865 milljónir á árinu, að mestu vegna breytinga á mati á lóðum og lendum í eigu sveitarfélagsins í kjölfar álits reikningsskilanefndar sveitarfélaga.

 

Frá árinu 2009 hafa tekjur Borgarbyggðar lækkað um 1,2%. Það eru fyrst og fremst útsvarstekjur sem hafa lækkað, en atvinnulíf í Borgarbyggð hefur orðið fyrir ýmsum áföllum og hefur það m.a. leitt til fækkunar íbúa. Á sama tíma hefur hins vegar tekist að lækka rekstrarkostnað sveitarfélagsins um 6,2%. „Þess sjást merki í ársreikningi fyrir árið 2010 að þær hagræðingaraðgerðir sem gripið var til hafa skilað tilætluðum árangri og eru lykillinn að þeim viðsnúningi sem orðið hefur í rekstri Borgarbyggðar,“ segir í tilkynningu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is