Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. maí. 2011 08:01

Útlit fyrir gott ferðasumar á Vesturlandi að sögn hótelstjóra

Hótelhaldarar á Vesturlandi sem Skessuhorn hafði samband við í gær eru sammála um að útlit sé fyrir ekki síðra ferðasumar í sumar en það síðasta. Þeir segjast þó ekki vera alveg lausir við kvíða nú á vordögum, gagnvart fréttum um yfirvofandi verkfallsaðgerðir og eins kunni hátt bensínsverð að hafa einhver áhrif á ferðir fólks í sumar. “Við vitum að fólk hefur verið mikið á ferðinni til landsins í vetur en það hefur lítið skilað sér til okkar. Hverju er um að kenna, kannski háu bensínverði? Maður veltir því fyrir sér,” segir Gísli Ólafsson á Hótel Framnesi í Grundafirði. Gísli segir að annars líti bókanir vel út fyrir sumarið og það stefni í að þær verði ekki lakari en síðasta sumar. Júlímánuður sé meira og minna bókaður og einnig sé ágúst orðið nokkuð þéttbókaður, en 29 herbergi eru á Hótel Framnesi.

 

 

 

María Bryndís Ólafsdóttir hótelstjóri á Hótel Stykkishólmi, stærsta hótelinu á Vesturlandi, segir að bókanir séu mjög svipaðar og fyrir síðasta sumar, júlí og ágúst séu orðnir þéttbókaðir, en minna enn sem komið er fyrir júnímánuð.  “Við erum með 79 herbergi og það sem ég finn mest fyrir núna er hvað ferðamannatíminn er að lengjast í báða enda. Það lítur vel út með nýbyrjaðan maímánuð og líka september. Þetta er ánægjuleg þróun,” segir María Bryndís. Aðspurð segist hún ekki verða vör við að hátt bensínverði hafi áhrifa á komu hótelgesta. “Enda fáum við langmest hópa til okkar, þeir sem eru á einkabílum telja ekki mikið í heildina,” segir María.

 

Pétur Geirsson á Hótel Borgarnesi telur að bókanir í sumar geti rétt vel úr kútnum eftir að gosið í Eyjafjallajökli stöðvaði sölu í einn og hálfan mánuð á vordögum í fyrra. “Sumarið 2009 var mjög gott og mér sýnist að komandi sumar geti slagað vel upp í það ef ekki skella á verkföll eða þess lags óáran,” segir Pétur Geirsson en um 70 herbergi eru til ráðstöfunar í Hótel Borgarnesi. Pétur segir að ágætar bókanir séu komnar yfir hásumarmánuðina frá júní til ágúst.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is