Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. maí. 2011 01:23

Verkefnin aukast hjá Skaganum

Skaginn hf á Akranesi, sem framleiðir búnað fyrir fisk- og matvælavinnslur, hefur undanfarna mánuði haft nóg af verkefnum. Stór verkefni eru í gangi vegna uppsjávarfisksvinnslu og verkefnastaða góð. Nú í maíbyrjun þegar Skaginn kynnti vörur sínar á sjávarútvegssýningu í Brussel var skrifað undir samning um sölu á lausfrysti til fyrirtækis í Litháen. Einar Brandsson markaðsstjóri hjá Skaganum segir að þessi samningur sé góð viðbót við þá þrjá frysta sem búið var að selja í apríl. Frá áramótum hefur Skaginn unnið að verkefnum fyrir þrjár uppsjávarvinnslur í landinu. Þetta eru HB Grandi á Vopnafirði, Síldarvinnslan í Neskaupstað og Vinnslustöðin í Vestmannaeyjum.

Á Vopnafirði er verið að endurbæta vinnslulínu, gamla plötufrysta og bætt er við búnaði til pökkunar á makríl. Í Eyjum er verið að endurbæta pökkunarlínu ásamt því að smíða einn sjálfvirkan plötufrysti. Hjá Síldarvinnslunni er bætt við frysti sem sérhannaður er til að frysta makríl í kartonkössum.

 

Einar segir að eingöngu hjá fyrirtækjum í uppsjárvarfiskvinnslu sé eitthvað að gerast í fjárfestingum, óvissan og óróinn varðandi fiskveiðistjórnunarkerfið skapi það að almennt haldi stjórnendur sjávarútvegsfyrirtækja að sér höndum, sem síðan bitni á fyrirtækjum sem þjónusti sjávarútveginn. Enn sjái ekki fyrir endann á þeim málum.

 

Nánar verður rætt við Einar Brandsson markaðsstjóra í Skessuhorni næsta miðvikudag.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is