Forsíða
Auglýsing
Rss straumur af fréttum frá Skessuhorni
Miðaftann. Fjórði Óðinsdagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. maí. 2011 07:01

Starfsmannastefna, siðareglur og innkaupareglur í Borgarbyggð

Á fundi sveitarstjórnar Borgarbyggðar 12. maí sl. var auk fyrri umræðu um ársreikning sveitarfélagsins samþykkt starfsmannastefna, siðareglur fyrir kjörna fulltrúa og innkaupareglur sveitarfélagsins. Að sögn Páls S. Brynjarssonar sveitarstjóra hefur verið unnið að mótun starfsmannastefnunnar í nokkurn tíma. Drög að henni voru kynnt fyrir starfsfólki sveitarfélagsins og tóku þau nokkrum breytingum eftir kynninguna.  Páll segir að í starfsmannastefnunni sé farið yfir ýmsa þætti, svo sem ráðningarréttindi, starfsþróun, símenntun og starfshæfni, launakjör, vinnuumhverfi og ábyrgð og skyldur stjórnenda og annarra starfsmanna.

“Markmiðið með starfsmannastefnunni er að Borgarbyggð hafi á að skipa traustum starfsmönnum sem veiti íbúum góða þjónustu.  Auk þess á stefnan að stuðla að því að stofnanir Borgarbyggðar verði betri vinnustaðir fyrir starfsfólkið,” segir Páll.

Þá voru á fundi sveitarstjórnar sl. fimmtudag samþykktar siðareglur fyrir kjörna fulltrúa.  Markmið reglnanna er að skilgreina það hátterni og viðmót sem ætlast er til að kjörnir fulltrúar sýni við störf sín fyrir Borgarbyggð. Reglurnar ná til kjörinna sveitarstjórnarfulltrúa og annarra sem kjörnir eru til setu í nefndum og ráðum. Loks voru samþykktar innkaupareglur fyrir sveitarfélagið, en sveitarfélögum ber í dag að setja sérstakar reglur um innkaup. Innkaupareglur eru settar til að stuðla að vönduðum og hagkvæmum innkaupum og tryggja gæði vöru, þjónustu og verka sem Borgarbyggð kaupir. Innkaupareglunum er líka ætlað að tryggja að litið sé til umhverfissjónarmiða við innkaup.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is