Forsíða
Auglýsing
Rss straumur af fréttum frá Skessuhorni
Lágnætti. Fjórði Óðinsdagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. maí. 2011 12:40

Aukið álag í sumar hjá fámennara lögregluliði

“Þrátt fyrir bænaskjöl og beiðnir höfum við ekki fengið fjárveitingu fyrir ráðningar sumarafleysingamanna. Við göngum því út frá því núna að þurfa að leggja út í sumarið án þess að ráða neinn í afleysingar. Þetta er ansi mikil breyting frá því árið 2008 þegar við réðum fjóra í sumarafleysingar og þá þótti það mjög eðlileg ráðstöfun. Okkur hefur síðan verið gert að trappa okkur niður í ráðningum, í fyrra fengum við bara að ráða tvo. Þetta þýðir að við verðum að útfæra vaktir og eftirlit öðruvísi og höfum svo sem þurft að gera það í skamman tíma og mætt þannig auknu álagi. Núna er það sem blasir við mikið og aukið álag í lengri tíma. Það er spurning hvernig mannskapurinn verður á sig kominn í haust,” segir Theodór Þórðarson yfirlögregluþjónn í Borgarnesi í samtali við Skessuhorn.

 

 

 

 

 

Aðspurður sagði hann að í sjálfu sér væri ekki óttast að fólk komi til með að búa við óöryggi í umdæminu, eða tilteknum hlutum þess, en hinsvegar mætti búast við að í sumum tilfellum taki lengri tíma að sinna útköllum en áður. Þessi fækkun í lögregluliðinu myndi þýða að bæði yfirlögregluþjónn og varðstjóri yrðu að fara í útköll í auknum mæli og þeir sem væru á bakvöktunum oftar kallaðir út. Um helgar yrðu héraðslögreglumenn oftar boðaðir til starfa en áður. “Við höfum leyst málin á þennan hátt síðustu misserin þegar álagið hefur aukist og ljóst er að það mun aukast á okkur til muna í sumar. Þá er sýnt að skýrslur og rannsóknarvinna mun taka lengri tíma en verið hefði til þessa,” segir Theodór.

 

Erfitt sumar framundan á Skaganum

“Það er greinilega erfitt sumar framundan, mikið álag hjá þeim sem verða á vöktunum. Við höfum þurft að þola mikinn niðurskurð undanfarið, það var t.d. fækkað um einn mann í vetur og ekki er langt síðan 13 menn voru í lögregluliðinu en núna erum við níu. Skorið var mikið niður hjá okkur í sumarafleysingum í fyrra, þá fengum við aðeins að ráða þrjá í stað fjögurra til fimm áður. Núna er útlit fyrir að við fárum bara að ráða tvo í sumarafleysingar”, segir Jón S. Ólason yfirlögregluþjónn á Akranesi.

Jón segir að álagið hafi verið að aukast mikið á mannskapinn og muni gera það enn frekar í sumar. Aðspurður hvort að við þetta sé ekki verið að skerða öryggi íbúanna sagði Jón: “Við erum með mjög samheldinn hóp í lögregluliðinu og einhvern veginn hefur þetta alltaf bjargast. Menn tilbúnir að hlaupa til þegar á hefur þurft að halda,” segir Jón.

 

Tímabilið stytt á Snæfellsnesi

Ólafur Guðmundsson yfirlögregluþjónn hjá lögregluembættinu á Snæfellsnesi segir að ekki komi til fækkunar ráðninga í afleysingastörf í sumar, en hins vegar hafi afleysingatímabilið verði stytt í báða enda vegna þess að erfiðlega hafi gengið að fá fólk til starfa. “Við ráðum þrjá í afleysingar í sumar eins og í fyrra, en vandamálið hér hefur verið að fá menn til starfa og þannig skilst mér að hafi verið hjá sumum embættum út um landið,” segir Ólafur.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is