Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. maí. 2011 12:01

Kári, Landsbankinn og Fjöliðjan í samstarf

Fyrr í vikunni gengu Landsbankinn og knattspyrnufélagið Kári á Akranesi frá samstarfssamingi sem felur í sér stuðning bankans við félagið. Merki Landsbankans mun þó ekki prýða búning félagsins heldur styrkir bankinn gott málefni sem Káramenn sjá um að velja.  Næstu tvö ár mun merki Fjöliðjunnar prýða búninga Káramanna og sagði Sveinbjörn Geir Hlöðversson, formaður Kára, að það hefði ekki verið vandasamt að velja gott málefni. „Við Káramenn vorum ekki lengi að velja líknarfélag og skýringin frekar einföld, við Káramenn vildum styrkja innan okkar bæjarfélags og okkur fannst frábært að geta styrkt Fjöliðjuna á Akranesi því þar er frábært fólk að vinna frábæra vinnu. Þar að auki er mikil knattspyrnustemning í Fjöliðjunni og vonandi að við Káramenn fáum einhverja gallharða stuðningsmenn í leiðinni.”

 

 

 

Í fréttatilkynningu frá bankanum segir: „Landsbankinn kynnti síðastliðið haust nýja stefnu í stuðningi bankans við íþróttafélög undir yfirskriftinni „Samfélag í nýjan búningi“. Markmiðið er að tengja saman stuðning bankans við íþróttir og mannúðarmál. Knattspyrnufélagið Kári er tuttugasta og annað íþróttafélagið sem gengur í samstarf við Landsbankann um Samfélag í nýjan búningi. „Við erum mjög stolt af stuðningi okkar við Knattspyrnufélagið Kára. Hugmyndafræði bankans að baki verkefninu Samfélag í nýjan búning snýst um að tengja saman íþróttafélög og samtök eða félög sem láta að sér kveða í mannúðarmálum,” segir Hannes Marinó Ellertsson, útibússtjóri Landsbankans á Akranesi. Með þessum hætti geta íþróttafélög tekið þátt í því með Landsbankanum að styðja við mannúðarmál.”

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is