Forsíða
Auglýsing
Rss straumur af fréttum frá Skessuhorni
Miðaftann. Fjórði Óðinsdagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. maí. 2011 11:27

Sigur í fyrsta heimaleiknum

Það var frekar napurt í veðri þegar Grundarfjörður spilaði sinn fyrsta heimaleik á Grundarfjarðarvelli síðasta sunnudag. Björninn, sem er undirlið frá Fjölni, voru andstæðingarnir að þessu sinni.

Grundfirðingar byrjuðu undan vindi og það voru ekki liðnar nema 11 mínútur af leiknum þegar Predrag Milosavljevic átti aukaspyrnu sem markvörður Bjarnarins átti í mestu vandræðum með. Markvörðurinn missti boltann í stöngina sem rúllaði síðan eftir marklínunni þar sem að Ragnar Smári Guðmundsson kom aðvífandi og þrumaði boltanum í netið og kom heimamönnum í 1-0. Staðan var því 1-0 þegar dómarinn flautaði til leikhlés.

 

 

 

 

 

Í síðari hálfleik voru leikmenn Bjarnarins með vindinn í bakið og við það efldust þeir. Sterk vörn heimamanna átti þó ráð við öllum þeirra sóknaraðgerðum. Eftir eina snaggaralega skyndisókn á 73. mínútu átti Ari Bent Ómarsson góða rispu upp hægri vænginn og kom boltanum fyrir þar sem að Ólafur Hlynur Illugason lagði boltann fyrir sig og setti hann yfirvegað fram hjá markmanninum og staðan orðin 2-0 heimamönnum í vil. Við þetta var sem allur vindur væri úr Bjarnarmönnum og það voru því Grundfirðingar sem tóku stigin þrjú sem voru í boði að þessu sinni og þeir eru nú komnir með sex stig í riðlinum eftir tvo leiki. Það eru einu stigi meira en þeir fengu allt síðasta sumar. Næsti leikur Grundarfjarðar er gegn Ísbirninum á gervigrasinu við Kórinn í Kópavogi á morgun, fimmtudaginn 2. júní, kl 14.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is