Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. júní. 2011 07:01

Mjólkurbúið opnað eftir breytingar

Núna á vormánuðum hafa gríðarmiklar framkvæmdir staðið yfir í Mjólkurbúinu á Reykhólum, eins og húsið hefur löngum verið kallað. Í dag 1. júní verður opnuð þar ein sýning helguð bátavernd og hlunnindanytjum. Í tilkynningu á heimsíðu Reykhólahrepps segir að áður hafi þetta verið tvær sýningar og bátasafnið raunar aldrei opið formlega á sérstökum tímum.

Í framkvæmdunum sem nú er lokið var allt hreinsað innan úr húsinu og stórt op gert á steinvegg sem aðskildi bátana og hlunnindasýninguna. Hitann og þungann af verkinu hefur Hjalti Hafþórsson borið, en hann var á sínum tíma einn af frumkvöðlum Bátasafns Breiðafjarðar og hefur starfað í þágu þess frá upphafi. Ýmsir fleiri hafa þó lagt hönd á plóginn.

 

 

 

Mjólkurbúið, sem líka var stundum kallað Mjólkurvellir, var byggt upp úr 1960 eða fyrir um hálfri öld. Þar var þó aldrei mjólkurstöð eins og ráðgert var. Ástæðan mun hafa verið sú að á sama tíma var byggð mjólkurstöð í Búðardal og óráðlegt þótti að reka tvær stöðvar á svo litlu svæði. Um langan aldur var í öðrum helmingi hússins félagsheimili Reykhólasveitar. Upplýsingamiðstöð ferðafólks verður í anddyrinu í sumar eins og mörg undanfarin ár. Þar mun Harpa Eiríksdóttir ferðamálafulltrúi Reykhólahrepps veita ferðafólki upplýsingar og jafnframt leiða gesti um hið nýja safn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is