Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. júní. 2011 03:01

Dorrit Moussaieff opnar Æðarsetur Íslands nk. mánudag

Æðarsetur Íslands verður opnað í Norska húsinu í Stykkishólmi á mánudaginn, annan dag hvítasunnu. Undirbúningur að stofnun þess hófst í fyrra en að honum komu fjölmargir heimamenn. Meðal þeirra eru Æðarræktarfélag Snæfellinga, Byggðasafn Snæfellinga og Hnappdælinga og Anok margmiðlun, ásamt feðginunum Friðriki Jónssyni og Erlu Friðriksdóttir en þau reka fyrirtækin Íslenskan æðardún ehf. og Queen Eider ehf.  „Ef einhversstaðar á að vera æðarsetur þá er það hér í Stykkishólmi,“ segir Erla. „Hér höfum við allt sem tengist fuglinum. Breiðafjörðinn, stærsta æðarvarp á landinu, Rannsóknasetur Háskóla Íslands á Snæfellsnesi sem sérhæfir sig í rannsóknum á æðarfugli og Náttúrustofu Vesturlands með mikla þekkingu á vágestum æðarfuglsins svo sem mink, ref og örnum.

Það er í raun ótrúlegt miðað við þá löngu hefð fyrir sölu og útflutningi á íslenskum æðardúni hvað lítið er til um fuglinn, vörum úr dúninum og vörum sem tengjast dúninum hér á landi,“  segir Erla jafnframt.


Í sýningarrými eldhússins í Norska húsinu verður hlunnindasýning þar sem gamalt handverk verður sýnt og gömul áhöld sem notuð voruð við hreinsun á æðardúni. Á sunnudögum í sumar verður þar boðið upp á erindi og fræðslu og munu fróðir segja frá og sýna viðbrögð sem tíðkuðust við vinnslu dúns. Í sýningarrýminu Mjólkurstofunni verður fræðslusýning um lífríki æðarfuglsins og vágesti hans auk þess sem munir sem tengjast fuglinum verða til sölu og sýnis.

 

Dorrit Moussaieff forsetafrú og verndari setursins opnar Æðarsetrið formlega annan í hvítasunnu þann 13. júní kl. 15.

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is