Forsíða
Auglýsing
Rss straumur af fréttum frá Skessuhorni
Lágnætti. Þriðji Þórsdagur í Gormánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. júní. 2011 06:48

Hlaupa um Vesturland í dag og loka hringnum á morgun

Undanfarna daga hafa þau Signý Gunnarsdóttir, Sveinn Benedikt Rögnvaldsson, Alma María Rögnvaldsdóttir og Guðmundur Guðnason hlaupið hringinn í kringum Ísland til styrktar krabbameinsveikum börnum og fjölskyldum þeirra. Hópurinn verður á ferðinni um Vesturland í dag, miðvikudag þegar hlaupið verður frá Bifröst að Hvalfirði. Síðan mun hópurinn ljúka hringnum á morgun þegar hlaupið verður frá Hvalfirði til Reykjavíkur.  Styrktarhlaupið hefur varla farið framhjá neinum en það var í janúar 2010 sem þriggja ára sonur Sveins og Signýjar greindist með hvítblæði og hefur hann gengið í gegnum strembna lyfjameðferð. Eftir margra mánaða raunir er hann kominn á beinu brautina og er nú í töflumeðferð þar til haustið 2012. Drengurinn er frísklegur í dag og varla hægt að merkja á honum að hann hafi gengið í gegnum gríðarlega þrautagöngu. Í ágúst 2010 tóku Sveinn og Signý, Alma María systir Sveins og Guðmundur maður hennar ákvörðun um að hlaupa hringinn í kringum landið fyrir Styrktarfélag krabbameinssjúkra barna og fá þannig tækifæri á að skila til baka til félags sem hefur reynst ómetanlegur stuðningur. 

Hægt er að heita á verkefnið með því að senda SMS í símanúmerin 904-1001 (1000 kr.), 904-1003 (3000 kr.) og 904-1005 (5000 kr.) Einnig er hægt að greiða með kreditkorti og að leggja beint inn á reikning Styrktarfélags krabbameinssjúkra barna en allar nánari upplýsingar má finna á heimasíðu verkefnisins, www.mfbm.is  

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is