Forsíða
Auglýsing
Rss straumur af fréttum frá Skessuhorni
Lágnætti. Þriðji Þórsdagur í Gormánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. júní. 2011 09:01

Fækkum slysum á ferðalögum

Undanfarin ár hefur Slysavarnafélagið Landsbjörg, í samvinnu við ýmsa aðila, beitt sér gegn slysum á ferðalögum, meðal annars með Hálendisvakt björgunarsveita. Hafa björgunarsveitir á Vesturlandi verið í hópi þeirra sem tekið hafa virkan þátt í því verkefni. Einnig hefur verið sett upp öflug heimasíða með góðum ferðaráðum fyrir innlenda sem erlenda ferðamenn. Föstudaginn 24. júní mun Landsbjörg minna ferðamenn á aðgæslu á ferðalögum sínum í sumar. Frá kl. 16 – 20 þennan dag munu björgunarsveitarmenn verða á Olís stöðvum um land allt og gefa góð ráð og hvetja alla til að taka þátt í því að fækka slysum á ferðalögum.

 

 

 

 

Í fréttatilkynningu frá Landsbjörgu vegna verkefnisins segir að reikna megi með tugum ef ekki hundruðum þúsundum innlendra og erlendra ferðamanna á ferð um hálendi og láglendi á næstu mánuðum. “Alvarleg slys á ferðalögum eru of mörg og hið sama má segja um banaslys. Orsök slysanna er af mörgum toga en oftar en ekki kemur þar við sögu rangur búnaður, veður, vanmat á aðstæðum eða ofmat á eigin getu. Aðstæður hér á landi eru oft öðruvísi en víða annars staðar og því er nauðsynlegt að koma upplýsingum um það á framfæri. Fræða þarf ferðamenn um aðstæðurnar og hvernig megi útbúa sig og ferðast á sem öruggastan hátt,” segir meðal annars í tilkynningunni.

Í upphafi síðasta sumar setti Landsbjörg, í stamstarfi við iðnaðarráðuneytið, Ferðamálastofu, tryggingafélagið Sjóvá og fleiri aðila, á laggirnar verkefnið „Safetravel“ og er heimasíðan www.safetravel.is þingamiðjan í því verkefni. Þar má finna heilræði og fróðleik um góða ferðahegðan hér á landi. Í viðbót við þetta verkefni hefur Slysavarnafélagið Landsbjörg starfrækt Hálendisvakt björgunarsveita í nokkur ár en í tæpa tvo mánuði á hverju sumri eru björgunarsveitir til taks á fjórum stöðum á hálendinu; Kjalvegi, að Fjallabaki, á Sprengisandsleið og á svæðinu norðan Vatnajökuls.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is