Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. júní. 2011 09:47

Hjörtur með þrennu þegar Skagamenn burstuðu Fjölni

ÍA liðið var í miklum ham í gærkveldi þegar Fjölnismenn komu til leiks á Akranesvöll í 1. deildinni. Strax á fyrstu mínútu blésu heimamenn til sóknar og ekki voru liðnar nema fimm mínútur af leiknum þegar Skagamenn voru komnir yfir. Segja má að Fjölnismenn hafi ekki séð til sólar eftir það. ÍA liðið var í sóknarhlutverkinu í leiknum og var magnað í sínum hröðu sóknaraðgerðum. Áður en yfir lauk voru mörkin orðin sex sem Skagamenn skoruðu án þess að Fjölni tækist að skora. ÍA er nú komið með 22 stig eftir átta umferðir. Selfoss, sem lagði Víkinga Ólafsvík að velli 3:1 á Selfossi í gær, er í öðru sætinu með 16 stig og Haukar í því þriðja með 13 stig, en þeir unnu Leikni 3:1.

 

 

 

Viðureign ÍA og Fjölnis var sem sagt aldrei spennuleikur eins og margir áhorfendur bjuggust við. Hjörtur Júlíus Hjartarson átti enn einn stórleikinn fyrir ÍA. Hann skoraði algjört draumamark á 6. mínútu. Þrumaði þá boltanum af 20 metra færi efst í bláhornið án þess að Hrafn Davíðsson í marki Fjölnis ætti möguleika. Gary Martin var líka mjög góður og ógnandi með hraða sínum og leikni, en hann skoraði tvö mörk og átti heiðurinn af einum þremur. Eftir góða sókn þar sem boltinn gekk kanta á milli skoraði Gary Martin glæsilegt mark á 19. mínútu. Sendi þá snúningsbolta út við fjarstöngina úr þröngu færi utarlega í teignum. Gary sprendi síðan upp með hraða sínum á 41. mínútu þegar hann komst upp að endamörkum og lagði boltann fyrir markið á Hjört Júlíus sem skoraði auðveldlega. Svipað gerðist síðan á lokamínútu fyrri hálfleiks, en í þetta skiptið lagði Gary Martin á félaga sinn Mark Doninger sem skoraði af stuttu færi.

 

Seinni hálfleikurinn var líka eign Skagamanna þótt mörkin yrðu ekki jafnmörg og í fyrri hálfleiknum. Fjölnismenn voru hugmyndasnauðir og að sjá vondaufir í sínum leik. Hjörtur Júlíus Hjartarson fullkomnaði þrennu sína með marki í 62. mínútu. Stefán Þór Þórðarson var svo felldur rétt við markteiginn á 70. mínútu og skoraði Gary Martin af öryggi úr vítinu. Lítið markvert gerðist síðan síðasta fjórðung leiksins og lokatölur því eins og áður segir 6:0 fyrir ÍA.

 

Í næstu umferð fara Skagamenn á Seltjarnarnes þar sem þeir mæta Gróttu. Leikurinn fer fram nk. fimmtudagskvöld.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is