Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. júní. 2011 09:01

Nýtt skipulag fyrir Grundartanga samþykkt í sveitarstjórn

Á fundi sveitarstjórnar Hvalfjarðarsveitar í síðustu viku voru samþykktar breytingar á aðalskipulagi sem m.a. fela í sér stækkun iðnaðarsvæðis á Grundartanga. Atkvæðin féllu 4:3 í kosningu um þann hluta breytinga á skipulaginu sem náði til stækkunar iðnaðarsvæðisins á Grundartanga. Meirihluti sveitarstjórnar lagði til grundvallar fyrir samþykkt skipulagsins bókun skipulags- og byggingarnefndar þar sem segir að eins og fram hafi komið í auglýsingu um skipulagið sé  “ekki heimilt að koma fyrir starfsemi sem hefur veruleg umhverfisáhrif í för með sér svo sem þungaiðnaði eins og álbræðslu, kísiljárnbræðslu og fleiru þess háttar. Horft er til lítt mengandi iðnaðarstarfsemi sem ekki er líkleg til að hafa í för með sér umtalsverð umhverfisáhrif og sé því ekki háð mati á umhverfisáhrifum,” segir í bókun nefndarinnar.

 

 

 

 

Fjöldi athugasemda barst vegna breytinganna á skipulaginu og stækkun iðnaðarsvæðisins, alls 53 athugasemdir, en frestur til að skila þeim rann út 23. maí sl. Skúli Lýðsson skipulags- og byggingarfulltrúi Hvalfjarðarsveitar segir að þessa dagana sé verið að senda út svör við þessum bréfum en þeim er svarað hverju fyrir sig. Skúli segir að í langflestum tilfellum gangi athugasemdirnar út á að með stækkun iðnaðarsvæðisins sé verið að þrengja að annarri starfsemi í sveitarfélaginu, ferðaþjónustu sem hafi verið að byggjast upp og landbúnaði. Skúli segir að gegnum gangandi óttist þeir sem athugasemdirnar gerðu að með stækkun iðnaðarsvæðisins sé verið að auka rými fyrir stóriðju og mengandi starfsemi. Í auglýsingu þar sem tillagan að breytingum á aðalskipulaginu var kynnt hafi sérstaklega verið takið fram að svo væri ekki eins og skipulags- og byggingarnefnd hafi ítrekað í bókun sinni.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is